Complete Sundarkand
Complete selected original text and mechanical Roman transliteration. Hindi and English meanings remain in preparation.
सम्पूर्ण सुन्दरकाण्ड
Open interactive reader · पाठ, Roman, bookmarksComplete selected original: 599 reading units. रामचरितमानस का पंचम सोपान — Drik Panchang का मूल पाठ; समापन पुष्पिका Sunderkand Path से, अलग चिह्नित।
3 Sanskrit invocations; 526 chaupai couplets; 6 chhands; 60 numbered doha/soratha groups including both ka/kha at 39, 49 and 56 (63 couplets); separately identified traditional concluding colophon. This is Tulsidas’s Ramcharitmanas, not Valmiki’s Sanskrit Sundarakanda.
Scholarly review pending. Complete Hindi and English meaning layers are still in preparation. The original and Roman layers below are complete.
Invocation · Shloka 1
शान्तं शाश्वतमप्रमेयमनघं निर्वाणशान्तिप्रदं, ब्रह्माशम्भुफणीन्द्रसेव्यमनिशं वेदान्तवेद्यं विभुम्। रामाख्यं जगदीश्वरं सुरगुरुं मायामनुष्यं हरिं, वन्देऽहं करुणाकरं रघुवरं भूपालचूडामणिम्॥१॥
Roman transliteration · उच्चारण
śāntaṃ śāśvatamaprameyamanaghaṃ nirvāṇaśāntipradaṃ, brahmāśambhuphaṇīndrasevyamaniśaṃ vedāntavedyaṃ vibhum| rāmākhyaṃ jagadīśvaraṃ suraguruṃ māyāmanuṣyaṃ hariṃ, vande’haṃ karuṇākaraṃ raghuvaraṃ bhūpālacūḍāmaṇim||1||
Invocation · Shloka 2
नान्या स्पृहा रघुपते हृदयेऽस्मदीये, सत्यं वदामि च भवानखिलान्तरात्मा। भक्तिं प्रयच्छ रघुपुंगव निर्भरां मे, कामादिदोषरहितं कुरु मानसं च॥२॥
Roman transliteration · उच्चारण
nānyā spṛhā raghupate hṛdaye’smadīye, satyaṃ vadāmi ca bhavānakhilāntarātmā| bhaktiṃ prayaccha raghupuṃgava nirbharāṃ me, kāmādidoṣarahitaṃ kuru mānasaṃ ca||2||
Invocation · Shloka 3
अतुलितबलधामं हेमशैलाभदेहं, दनुजवनकृशानुं ज्ञानिनामग्रगण्यम्। सकलगुणनिधानं वानराणामधीशं, रघुपतिप्रियभक्तं वातजातं नमामि॥३॥
Roman transliteration · उच्चारण
atulitabaladhāmaṃ hemaśailābhadehaṃ, danujavanakṛśānuṃ jñānināmagragaṇyam| sakalaguṇanidhānaṃ vānarāṇāmadhīśaṃ, raghupatipriyabhaktaṃ vātajātaṃ namāmi||3||
Chaupai 1
जामवंत के बचन सुहाए। सुनि हनुमंत हृदय अति भाए॥
Roman transliteration · उच्चारण
jāmavaṃta ke bacana suhāe| suni hanumaṃta hṛdaya ati bhāe||
Chaupai 2
तब लगि मोहि परिखेहु तुम्ह भाई। सहि दुख कंद मूल फल खाई॥
Roman transliteration · उच्चारण
taba lagi mohi parikhehu tumha bhāī| sahi dukha kaṃda mūla phala khāī||
Chaupai 3
जब लगि आवौं सीतहि देखी। होइहि काजु मोहि हरष बिसेषी॥
Roman transliteration · उच्चारण
jaba lagi āvauṃ sītahi dekhī| hoihi kāju mohi haraṣa biseṣī||
Chaupai 4
यह कहि नाइ सबन्हि कहुँ माथा। चलेउ हरषि हियँ धरि रघुनाथा॥
Roman transliteration · उच्चारण
yaha kahi nāi sabanhi kahum̐ māthā| caleu haraṣi hiyam̐ dhari raghunāthā||
Chaupai 5
सिंधु तीर एक भूधर सुंदर। कौतुक कूदि चढ़ेउ ता ऊपर॥
Roman transliteration · उच्चारण
siṃdhu tīra eka bhūdhara suṃdara| kautuka kūdi caḍhaेu tā ūpara||
Chaupai 6
बार-बार रघुबीर सँभारी। तरकेउ पवनतनय बल भारी॥
Roman transliteration · उच्चारण
bāra-bāra raghubīra sam̐bhārī| tarakeu pavanatanaya bala bhārī||
Chaupai 7
जेहिं गिरि चरन देइ हनुमंता। चलेउ सो गा पाताल तुरंता॥
Roman transliteration · उच्चारण
jehiṃ giri carana dei hanumaṃtā| caleu so gā pātāla turaṃtā||
Chaupai 8
जिमि अमोघ रघुपति कर बाना। एही भाँति चलेउ हनुमाना॥
Roman transliteration · उच्चारण
jimi amogha raghupati kara bānā| ehī bhām̐ti caleu hanumānā||
Chaupai 9
जलनिधि रघुपति दूत बिचारी। तैं मैनाक होहि श्रम हारी॥
Roman transliteration · उच्चारण
jalanidhi raghupati dūta bicārī| taiṃ maināka hohi śrama hārī||
Doha/Soratha 1
हनूमान तेहि परसा कर पुनि कीन्ह प्रनाम, राम काजु कीन्हें बिनु मोहि कहाँ बिश्राम।
Roman transliteration · उच्चारण
hanūmāna tehi parasā kara puni kīnha pranāma, rāma kāju kīnheṃ binu mohi kahām̐ biśrāma|
Chaupai 10
जात पवनसुत देवन्ह देखा। जानैं कहुँ बल बुद्धि बिसेषा॥
Roman transliteration · उच्चारण
jāta pavanasuta devanha dekhā| jānaiṃ kahum̐ bala buddhi biseṣā||
Chaupai 11
सुरसा नाम अहिन्ह कै माता। पठइन्हि आइ कही तेहिं बाता॥
Roman transliteration · उच्चारण
surasā nāma ahinha kai mātā| paṭhainhi āi kahī tehiṃ bātā||
Chaupai 12
आजु सुरन्ह मोहि दीन्ह अहारा। सुनत बचन कह पवनकुमारा॥
Roman transliteration · उच्चारण
āju suranha mohi dīnha ahārā| sunata bacana kaha pavanakumārā||
Chaupai 13
राम काजु करि फिरि मैं आवौं। सीता कइ सुधि प्रभुहि सुनावौं॥
Roman transliteration · उच्चारण
rāma kāju kari phiri maiṃ āvauṃ| sītā kai sudhi prabhuhi sunāvauṃ||
Chaupai 14
तब तव बदन पैठिहउँ आई। सत्य कहउँ मोहि जान दे माई॥
Roman transliteration · उच्चारण
taba tava badana paiṭhihaum̐ āī| satya kahaum̐ mohi jāna de māī||
Chaupai 15
कवनेहुँ जतन देइ नहिं जाना। ग्रससि न मोहि कहेउ हनुमाना॥
Roman transliteration · उच्चारण
kavanehum̐ jatana dei nahiṃ jānā| grasasi na mohi kaheu hanumānā||
Chaupai 16
जोजन भरि तेहिं बदनु पसारा। कपि तनु कीन्ह दुगुन बिस्तारा॥
Roman transliteration · उच्चारण
jojana bhari tehiṃ badanu pasārā| kapi tanu kīnha duguna bistārā||
Chaupai 17
सोरह जोजन मुख तेहिं ठयऊ। तुरत पवनसुत बत्तिस भयऊ॥
Roman transliteration · उच्चारण
soraha jojana mukha tehiṃ ṭhayaū| turata pavanasuta battisa bhayaū||
Chaupai 18
जस जस सुरसा बदनु बढ़ावा। तासु दून कपि रूप देखावा॥
Roman transliteration · उच्चारण
jasa jasa surasā badanu baḍhaाvā| tāsu dūna kapi rūpa dekhāvā||
Chaupai 19
सत जोजन तेहिं आनन कीन्हा। अति लघु रूप पवनसुत लीन्हा॥
Roman transliteration · उच्चारण
sata jojana tehiṃ ānana kīnhā| ati laghu rūpa pavanasuta līnhā||
Chaupai 20
बदन पइठि पुनि बाहेर आवा। मागा बिदा ताहि सिरु नावा॥
Roman transliteration · उच्चारण
badana paiṭhi puni bāhera āvā| māgā bidā tāhi siru nāvā||
Chaupai 21
मोहि सुरन्ह जेहि लागि पठावा। बुधि बल मरमु तोर मैं पावा॥
Roman transliteration · उच्चारण
mohi suranha jehi lāgi paṭhāvā| budhi bala maramu tora maiṃ pāvā||
Doha/Soratha 2
राम काजु सबु करिहहु तुम्ह बल बुद्धि निधान, आसिष देइ गई सो हरषि चलेउ हनुमान।
Roman transliteration · उच्चारण
rāma kāju sabu karihahu tumha bala buddhi nidhāna, āsiṣa dei gaī so haraṣi caleu hanumāna|
Chaupai 22
निसिचरि एक सिंधु महुँ रहई। करि माया नभु के खग गहई॥
Roman transliteration · उच्चारण
nisicari eka siṃdhu mahum̐ rahaī| kari māyā nabhu ke khaga gahaī||
Chaupai 23
जीव जंतु जे गगन उड़ाहीं। जल बिलोकि तिन्ह कै परिछाहीं॥
Roman transliteration · उच्चारण
jīva jaṃtu je gagana uḍaाhīṃ| jala biloki tinha kai parichāhīṃ||
Chaupai 24
गहइ छाहँ सक सो न उड़ाई। एहि बिधि सदा गगनचर खाई॥
Roman transliteration · उच्चारण
gahai chāham̐ saka so na uḍaाī| ehi bidhi sadā gaganacara khāī||
Chaupai 25
सोइ छल हनूमान कहँ कीन्हा। तासु कपटु कपि तुरतहिं चीन्हा॥
Roman transliteration · उच्चारण
soi chala hanūmāna kaham̐ kīnhā| tāsu kapaṭu kapi turatahiṃ cīnhā||
Chaupai 26
ताहि मारि मारुतसुत बीरा। बारिधि पार गयउ मतिधीरा॥
Roman transliteration · उच्चारण
tāhi māri mārutasuta bīrā| bāridhi pāra gayau matidhīrā||
Chaupai 27
तहाँ जाइ देखी बन सोभा। गुंजत चंचरीक मधु लोभा॥
Roman transliteration · उच्चारण
tahām̐ jāi dekhī bana sobhā| guṃjata caṃcarīka madhu lobhā||
Chaupai 28
नाना तरु फल फूल सुहाए। खग मृग बृंद देखि मन भाए॥
Roman transliteration · उच्चारण
nānā taru phala phūla suhāe| khaga mṛga bṛṃda dekhi mana bhāe||
Chaupai 29
सैल बिसाल देखि एक आगें। ता पर धाइ चढ़ेउ भय त्यागें॥
Roman transliteration · उच्चारण
saila bisāla dekhi eka āgeṃ| tā para dhāi caḍhaेu bhaya tyāgeṃ||
Chaupai 30
उमा न कछु कपि कै अधिकाई। प्रभु प्रताप जो कालहि खाई॥
Roman transliteration · उच्चारण
umā na kachu kapi kai adhikāī| prabhu pratāpa jo kālahi khāī||
Chaupai 31
गिरि पर चढ़ि लंका तेहिं देखी। कहि न जाइ अति दुर्ग बिसेषी॥
Roman transliteration · उच्चारण
giri para caḍhaि laṃkā tehiṃ dekhī| kahi na jāi ati durga biseṣī||
Chaupai 32
अति उतंग जलनिधि चहु पासा। कनक कोट कर परम प्रकासा॥
Roman transliteration · उच्चारण
ati utaṃga jalanidhi cahu pāsā| kanaka koṭa kara parama prakāsā||
Chhand 1
कनक कोटि बिचित्र मनि कृत सुंदरायतना घना, चउहट्ट हट्ट सुबट्ट बीथीं चारु पुर बहु बिधि बना। गज बाजि खच्चर निकर पदचर रथ बरूथन्हि को गनै, बहुरूप निसिचर जूथ अतिबल सेन बरनत नहिं बनै॥१॥
Roman transliteration · उच्चारण
kanaka koṭi bicitra mani kṛta suṃdarāyatanā ghanā, cauhaṭṭa haṭṭa subaṭṭa bīthīṃ cāru pura bahu bidhi banā| gaja bāji khaccara nikara padacara ratha barūthanhi ko ganai, bahurūpa nisicara jūtha atibala sena baranata nahiṃ banai||1||
Chhand 2
बन बाग उपबन बाटिका सर कूप बापीं सोहहीं, नर नाग सुर गंधर्ब कन्या रूप मुनि मन मोहहीं। कहुँ माल देह बिसाल सैल समान अतिबल गर्जहीं, नाना अखारेन्ह भिरहिं बहुबिधि एक एकन्ह तर्जहीं॥२॥
Roman transliteration · उच्चारण
bana bāga upabana bāṭikā sara kūpa bāpīṃ sohahīṃ, nara nāga sura gaṃdharba kanyā rūpa muni mana mohahīṃ| kahum̐ māla deha bisāla saila samāna atibala garjahīṃ, nānā akhārenha bhirahiṃ bahubidhi eka ekanha tarjahīṃ||2||
Chhand 3
करि जतन भट कोटिन्ह बिकट तन नगर चहुँ दिसि रच्छहीं, कहुँ महिष मानुष धेनु खर अज खल निसाचर भच्छहीं। एहि लागि तुलसीदास इन्ह की कथा कछु एक है कही, रघुबीर सर तीरथ सरीरन्हि त्यागि गति पैहहिं सही॥३॥
Roman transliteration · उच्चारण
kari jatana bhaṭa koṭinha bikaṭa tana nagara cahum̐ disi racchahīṃ, kahum̐ mahiṣa mānuṣa dhenu khara aja khala nisācara bhacchahīṃ| ehi lāgi tulasīdāsa inha kī kathā kachu eka hai kahī, raghubīra sara tīratha sarīranhi tyāgi gati paihahiṃ sahī||3||
Doha/Soratha 3
पुर रखवारे देखि बहु कपि मन कीन्ह बिचार, अति लघु रूप धरों निसि नगर करौं पइसार।
Roman transliteration · उच्चारण
pura rakhavāre dekhi bahu kapi mana kīnha bicāra, ati laghu rūpa dharoṃ nisi nagara karauṃ paisāra|
Chaupai 33
मसक समान रूप कपि धरी। लंकहि चलेउ सुमिरि नरहरी॥
Roman transliteration · उच्चारण
masaka samāna rūpa kapi dharī| laṃkahi caleu sumiri naraharī||
Chaupai 34
नाम लंकिनी एक निसिचरी। सो कह चलेसि मोहि निंदरी॥
Roman transliteration · उच्चारण
nāma laṃkinī eka nisicarī| so kaha calesi mohi niṃdarī||
Chaupai 35
जानेहि नहीं मरमु सठ मोरा। मोर अहार जहाँ लगि चोरा॥
Roman transliteration · उच्चारण
jānehi nahīṃ maramu saṭha morā| mora ahāra jahām̐ lagi corā||
Chaupai 36
मुठिका एक महा कपि हनी। रुधिर बमत धरनीं ढनमनी॥
Roman transliteration · उच्चारण
muṭhikā eka mahā kapi hanī| rudhira bamata dharanīṃ ḍhanamanī||
Chaupai 37
पुनि संभारि उठी सो लंका। जोरि पानि कर बिनय ससंका॥
Roman transliteration · उच्चारण
puni saṃbhāri uṭhī so laṃkā| jori pāni kara binaya sasaṃkā||
Chaupai 38
जब रावनहि ब्रह्म बर दीन्हा। चलत बिरंच कहा मोहि चीन्हा॥
Roman transliteration · उच्चारण
jaba rāvanahi brahma bara dīnhā| calata biraṃca kahā mohi cīnhā||
Chaupai 39
बिकल होसि तैं कपि कें मारे। तब जानेसु निसिचर संघारे॥
Roman transliteration · उच्चारण
bikala hosi taiṃ kapi keṃ māre| taba jānesu nisicara saṃghāre||
Chaupai 40
तात मोर अति पुन्य बहूता। देखेउँ नयन राम कर दूता॥
Roman transliteration · उच्चारण
tāta mora ati punya bahūtā| dekheum̐ nayana rāma kara dūtā||
Doha/Soratha 4
तात स्वर्ग अपबर्ग सुख धरिअ तुला एक अंग, तूल न ताहि सकल मिलि जो सुख लव सतसंग।
Roman transliteration · उच्चारण
tāta svarga apabarga sukha dharia tulā eka aṃga, tūla na tāhi sakala mili jo sukha lava satasaṃga|
Chaupai 41
प्रबिसि नगर कीजे सब काजा। हृदयँ राखि कोसलपुर राजा॥
Roman transliteration · उच्चारण
prabisi nagara kīje saba kājā| hṛdayam̐ rākhi kosalapura rājā||
Chaupai 42
गरल सुधा रिपु करहिं मिताई। गोपद सिंधु अनल सितलाई॥
Roman transliteration · उच्चारण
garala sudhā ripu karahiṃ mitāī| gopada siṃdhu anala sitalāī||
Chaupai 43
गरुड़ सुमेरु रेनु सम ताही। राम कृपा करि चितवा जाही॥
Roman transliteration · उच्चारण
garuḍa sumeru renu sama tāhī| rāma kṛpā kari citavā jāhī||
Chaupai 44
अति लघु रूप धरेउ हनुमाना। पैठा नगर सुमिरि भगवाना॥
Roman transliteration · उच्चारण
ati laghu rūpa dhareu hanumānā| paiṭhā nagara sumiri bhagavānā||
Chaupai 45
मंदिर मंदिर प्रति करि सोधा। देखे जहँ तहँ अगनित जोधा॥
Roman transliteration · उच्चारण
maṃdira maṃdira prati kari sodhā| dekhe jaham̐ taham̐ aganita jodhā||
Chaupai 46
गयउ दसानन मंदिर माहीं। अति बिचित्र कहि जात सो नाहीं॥
Roman transliteration · उच्चारण
gayau dasānana maṃdira māhīṃ| ati bicitra kahi jāta so nāhīṃ||
Chaupai 47
सयन किएँ देखा कपि तेही। मंदिर महुँ न दीखि बैदेही॥
Roman transliteration · उच्चारण
sayana kiem̐ dekhā kapi tehī| maṃdira mahum̐ na dīkhi baidehī||
Chaupai 48
भवन एक पुनि दीख सुहावा। हरि मंदिर तहँ भिन्न बनावा॥
Roman transliteration · उच्चारण
bhavana eka puni dīkha suhāvā| hari maṃdira taham̐ bhinna banāvā||
Doha/Soratha 5
रामायुध अंकित गृह सोभा बरनि न जाइ, नव तुलसिका बृंद तहँ देखि हरष कपिराई।
Roman transliteration · उच्चारण
rāmāyudha aṃkita gṛha sobhā barani na jāi, nava tulasikā bṛṃda taham̐ dekhi haraṣa kapirāī|
Chaupai 49
लंका निसिचर निकर निवासा। इहाँ कहाँ सज्जन कर बासा॥
Roman transliteration · उच्चारण
laṃkā nisicara nikara nivāsā| ihām̐ kahām̐ sajjana kara bāsā||
Chaupai 50
मन महुँ तरक करैं कपि लागा। तेहीं समय बिभीषनु जागा॥
Roman transliteration · उच्चारण
mana mahum̐ taraka karaiṃ kapi lāgā| tehīṃ samaya bibhīṣanu jāgā||
Chaupai 51
राम राम तेहिं सुमिरन कीन्हा। हृदयँ हरष कपि सज्जन चीन्हा॥
Roman transliteration · उच्चारण
rāma rāma tehiṃ sumirana kīnhā| hṛdayam̐ haraṣa kapi sajjana cīnhā||
Chaupai 52
एहि सन सठि करिहउँ पहिचानी। साधु ते होइ न कारज हानी॥
Roman transliteration · उच्चारण
ehi sana saṭhi karihaum̐ pahicānī| sādhu te hoi na kāraja hānī||
Chaupai 53
बिप्र रूप धरि बचन सुनाए। सुनत बिभीषन उठि तहँ आए॥
Roman transliteration · उच्चारण
bipra rūpa dhari bacana sunāe| sunata bibhīṣana uṭhi taham̐ āe||
Chaupai 54
करि प्रनाम पूँछी कुसलाई। बिप्र कहहु निज कथा बुझाई॥
Roman transliteration · उच्चारण
kari pranāma pūm̐chī kusalāī| bipra kahahu nija kathā bujhāī||
Chaupai 55
की तुम्ह हरि दासन्ह महँ कोई। मोरें हृदय प्रीति अति होई॥
Roman transliteration · उच्चारण
kī tumha hari dāsanha maham̐ koī| moreṃ hṛdaya prīti ati hoī||
Chaupai 56
की तुम्ह रामु दीन अनुरागी। आयहु मोहि करन बड़भागी॥
Roman transliteration · उच्चारण
kī tumha rāmu dīna anurāgī| āyahu mohi karana baḍabhāgī||
Doha/Soratha 6
तब हनुमंत कही सब राम कथा निज नाम, सुनत जुगल तन पुलक मन मगन सुमिरि गुन ग्राम।
Roman transliteration · उच्चारण
taba hanumaṃta kahī saba rāma kathā nija nāma, sunata jugala tana pulaka mana magana sumiri guna grāma|
Chaupai 57
सुनहु पवनसुत रहनि हमारी। जिमि दसनन्हि महुँ जीभ बिचारी॥
Roman transliteration · उच्चारण
sunahu pavanasuta rahani hamārī| jimi dasananhi mahum̐ jībha bicārī||
Chaupai 58
तात कबहुँ मोहि जानि अनाथा। करिहहिं कृपा भानुकुल नाथा॥
Roman transliteration · उच्चारण
tāta kabahum̐ mohi jāni anāthā| karihahiṃ kṛpā bhānukula nāthā||
Chaupai 59
तामस तनु कछु साधन नाहीं। प्रीत न पद सरोज मन माहीं॥
Roman transliteration · उच्चारण
tāmasa tanu kachu sādhana nāhīṃ| prīta na pada saroja mana māhīṃ||
Chaupai 60
अब मोहि भा भरोस हनुमंता। बिनु हरिकृपा मिलहिं नहिं संता॥
Roman transliteration · उच्चारण
aba mohi bhā bharosa hanumaṃtā| binu harikṛpā milahiṃ nahiṃ saṃtā||
Chaupai 61
जौं रघुबीर अनुग्रह कीन्हा। तौ तुम्ह मोहि दरसु हठि दीन्हा॥
Roman transliteration · उच्चारण
jauṃ raghubīra anugraha kīnhā| tau tumha mohi darasu haṭhi dīnhā||
Chaupai 62
सुनहु बिभीषन प्रभु कै रीती। करहिं सदा सेवक पर प्रीति॥
Roman transliteration · उच्चारण
sunahu bibhīṣana prabhu kai rītī| karahiṃ sadā sevaka para prīti||
Chaupai 63
कहहु कवन मैं परम कुलीना। कपि चंचल सबहीं बिधि हीना॥
Roman transliteration · उच्चारण
kahahu kavana maiṃ parama kulīnā| kapi caṃcala sabahīṃ bidhi hīnā||
Chaupai 64
प्रात लेइ जो नाम हमारा। तेहि दिन ताहि न मिलै अहारा॥
Roman transliteration · उच्चारण
prāta lei jo nāma hamārā| tehi dina tāhi na milai ahārā||
Doha/Soratha 7
अस मैं अधम सखा सुनु मोहू पर रघुबीर, कीन्हीं कृपा सुमिरि गुन भरे बिलोचन नीर।
Roman transliteration · उच्चारण
asa maiṃ adhama sakhā sunu mohū para raghubīra, kīnhīṃ kṛpā sumiri guna bhare bilocana nīra|
Chaupai 65
जानतहूँ अस स्वामि बिसारी। फिरहिं ते काहे न होहिं दुखारी॥
Roman transliteration · उच्चारण
jānatahūm̐ asa svāmi bisārī| phirahiṃ te kāhe na hohiṃ dukhārī||
Chaupai 66
एहि बिधि कहत राम गुन ग्रामा। पावा अनिर्बाच्य बिश्रामा॥
Roman transliteration · उच्चारण
ehi bidhi kahata rāma guna grāmā| pāvā anirbācya biśrāmā||
Chaupai 67
पुनि सब कथा बिभीषन कही। जेहि बिधि जनकसुता तहँ रही॥
Roman transliteration · उच्चारण
puni saba kathā bibhīṣana kahī| jehi bidhi janakasutā taham̐ rahī||
Chaupai 68
तब हनुमंत कहा सुनु भ्राता। देखी चहउँ जानकी माता॥
Roman transliteration · उच्चारण
taba hanumaṃta kahā sunu bhrātā| dekhī cahaum̐ jānakī mātā||
Chaupai 69
जुगुति बिभीषन सकल सुनाई। चलेउ पवन सुत बिदा कराई॥
Roman transliteration · उच्चारण
juguti bibhīṣana sakala sunāī| caleu pavana suta bidā karāī||
Chaupai 70
करि सोइ रूप गयउ पुनि तहवाँ। बन असोक सीता रह जहवाँ॥
Roman transliteration · उच्चारण
kari soi rūpa gayau puni tahavām̐| bana asoka sītā raha jahavām̐||
Chaupai 71
देखि मनहि महुँ कीन्ह प्रनामा। बैठेहिं बीति जात निसि जामा॥
Roman transliteration · उच्चारण
dekhi manahi mahum̐ kīnha pranāmā| baiṭhehiṃ bīti jāta nisi jāmā||
Chaupai 72
कृस तनु सीस जटा एक बेनी। जपति हृदयँ रघुपति गुन श्रेनी॥
Roman transliteration · उच्चारण
kṛsa tanu sīsa jaṭā eka benī| japati hṛdayam̐ raghupati guna śrenī||
Doha/Soratha 8
निज पद नयन दिएँ मन राम पद कमल लीन, परम दुखी भा पवनसुत देखि जानकी दीन।
Roman transliteration · उच्चारण
nija pada nayana diem̐ mana rāma pada kamala līna, parama dukhī bhā pavanasuta dekhi jānakī dīna|
Chaupai 73
तरु पल्लव महँ रहा लुकाई। करइ बिचार करौं का भाई॥
Roman transliteration · उच्चारण
taru pallava maham̐ rahā lukāī| karai bicāra karauṃ kā bhāī||
Chaupai 74
तेहि अवसर रावनु तहँ आवा। संग नारि बहु किएँ बनावा॥
Roman transliteration · उच्चारण
tehi avasara rāvanu taham̐ āvā| saṃga nāri bahu kiem̐ banāvā||
Chaupai 75
बहु बिधि खल सीतहि समुझावा। साम दान भय भेद देखावा॥
Roman transliteration · उच्चारण
bahu bidhi khala sītahi samujhāvā| sāma dāna bhaya bheda dekhāvā||
Chaupai 76
कह रावनु सुनु सुमुखि सयानी। मंदोदरी आदि सब रानी॥
Roman transliteration · उच्चारण
kaha rāvanu sunu sumukhi sayānī| maṃdodarī ādi saba rānī||
Chaupai 77
तव अनुचरीं करउँ पन मोरा। एक बार बिलोकु मम ओरा॥
Roman transliteration · उच्चारण
tava anucarīṃ karaum̐ pana morā| eka bāra biloku mama orā||
Chaupai 78
तृन धरि ओट कहति बैदेही। सुमिरि अवधपति परम सनेही॥
Roman transliteration · उच्चारण
tṛna dhari oṭa kahati baidehī| sumiri avadhapati parama sanehī||
Chaupai 79
सुनु दसमुख खद्योत प्रकासा। कबहुँ कि नलिनी करइ बिकासा॥
Roman transliteration · उच्चारण
sunu dasamukha khadyota prakāsā| kabahum̐ ki nalinī karai bikāsā||
Chaupai 80
अस मन समुझु कहति जानकी। खल सुधि नहिं रघुबीर बान की॥
Roman transliteration · उच्चारण
asa mana samujhu kahati jānakī| khala sudhi nahiṃ raghubīra bāna kī||
Chaupai 81
सठ सूनें हरि आनेहि मोही। अधम निलज्ज लाज नहिं तोही॥
Roman transliteration · उच्चारण
saṭha sūneṃ hari ānehi mohī| adhama nilajja lāja nahiṃ tohī||
Doha/Soratha 9
आपुहि सुनि खद्योत सम रामहि भानु समान, परुष बचन सुनि काढ़ि असि बोला अति खिसिआन।
Roman transliteration · उच्चारण
āpuhi suni khadyota sama rāmahi bhānu samāna, paruṣa bacana suni kāḍhaि asi bolā ati khisiāna|
Chaupai 82
सीता तैं मम कृत अपमाना। कटिहउँ तव सिर कठिन कृपाना॥
Roman transliteration · उच्चारण
sītā taiṃ mama kṛta apamānā| kaṭihaum̐ tava sira kaṭhina kṛpānā||
Chaupai 83
नाहिं त सपदि मानु मम बानी। सुमुखि होति न त जीवन हानी॥
Roman transliteration · उच्चारण
nāhiṃ ta sapadi mānu mama bānī| sumukhi hoti na ta jīvana hānī||
Chaupai 84
स्याम सरोज दाम सम सुंदर। प्रभु भुज करि कर सम दसकंधर॥
Roman transliteration · उच्चारण
syāma saroja dāma sama suṃdara| prabhu bhuja kari kara sama dasakaṃdhara||
Chaupai 85
सो भुज कंठ कि तव असि घोरा। सुनु सठ अस प्रवान पन मोरा॥
Roman transliteration · उच्चारण
so bhuja kaṃṭha ki tava asi ghorā| sunu saṭha asa pravāna pana morā||
Chaupai 86
चन्द्रहास हरु मम परितापं। रघुपति बिरह अनल संजातं॥
Roman transliteration · उच्चारण
candrahāsa haru mama paritāpaṃ| raghupati biraha anala saṃjātaṃ||
Chaupai 87
सीतल निसित बहसि बर धारा। कह सीता हरु मम दुख भारा॥
Roman transliteration · उच्चारण
sītala nisita bahasi bara dhārā| kaha sītā haru mama dukha bhārā||
Chaupai 88
सुनत बचन पुनि मारन धावा। मयतनयाँ कहि नीति बुझावा॥
Roman transliteration · उच्चारण
sunata bacana puni mārana dhāvā| mayatanayām̐ kahi nīti bujhāvā||
Chaupai 89
कहेसि सकल निसिचरिन्ह बोलाई। सीतहि बहु बिधि त्रासहु जाई॥
Roman transliteration · उच्चारण
kahesi sakala nisicarinha bolāī| sītahi bahu bidhi trāsahu jāī||
Chaupai 90
मास दिवस महुँ कहा न माना। तौ मैं मारबि काढ़ि कृपाना॥
Roman transliteration · उच्चारण
māsa divasa mahum̐ kahā na mānā| tau maiṃ mārabi kāḍhaि kṛpānā||
Doha/Soratha 10
भवन गयउ दसकंधर इहाँ पिसाचिनि बृंद, सीतहि त्रास देखावहिं धरहिं रूप बहु मंद।
Roman transliteration · उच्चारण
bhavana gayau dasakaṃdhara ihām̐ pisācini bṛṃda, sītahi trāsa dekhāvahiṃ dharahiṃ rūpa bahu maṃda|
Chaupai 91
त्रिजटा नाम राच्छसी एका। राम चरन रति निपुन बिबेका॥
Roman transliteration · उच्चारण
trijaṭā nāma rācchasī ekā| rāma carana rati nipuna bibekā||
Chaupai 92
सबन्हौ बोलि सुनाएसि सपना। सीतहि सेइ करहु हित अपना॥
Roman transliteration · उच्चारण
sabanhau boli sunāesi sapanā| sītahi sei karahu hita apanā||
Chaupai 93
सपनें बानर लंका जारी। जातुधान सेना सब मारी॥
Roman transliteration · उच्चारण
sapaneṃ bānara laṃkā jārī| jātudhāna senā saba mārī||
Chaupai 94
खर आरूढ़ नगन दससीसा। मुंडित सिर खंडित भुज बीसा॥
Roman transliteration · उच्चारण
khara ārūḍha nagana dasasīsā| muṃḍita sira khaṃḍita bhuja bīsā||
Chaupai 95
एहि बिधि सो दच्छिन दिसि जाई। लंका मनहुँ बिभीषन पाई॥
Roman transliteration · उच्चारण
ehi bidhi so dacchina disi jāī| laṃkā manahum̐ bibhīṣana pāī||
Chaupai 96
नगर फिरी रघुबीर दोहाई। तब प्रभु सीता बोलि पठाई॥
Roman transliteration · उच्चारण
nagara phirī raghubīra dohāī| taba prabhu sītā boli paṭhāī||
Chaupai 97
यह सपना मैं कहउँ पुकारी। होइहि सत्य गएँ दिन चारी॥
Roman transliteration · उच्चारण
yaha sapanā maiṃ kahaum̐ pukārī| hoihi satya gaem̐ dina cārī||
Chaupai 98
तासु बचन सुनि ते सब डरीं। जनकसुता के चरनन्हि परीं॥
Roman transliteration · उच्चारण
tāsu bacana suni te saba ḍarīṃ| janakasutā ke carananhi parīṃ||
Doha/Soratha 11
जहँ तहँ गईं सकल तब सीता कर मन सोच, मास दिवस बीतें मोहि मारिहि निसिचर पोच।
Roman transliteration · उच्चारण
jaham̐ taham̐ gaīṃ sakala taba sītā kara mana soca, māsa divasa bīteṃ mohi mārihi nisicara poca|
Chaupai 99
त्रिजटा सन बोलीं कर जोरी। मातु बिपति संगिनि तैं मोरी॥
Roman transliteration · उच्चारण
trijaṭā sana bolīṃ kara jorī| mātu bipati saṃgini taiṃ morī||
Chaupai 100
तजौं देह करु बेगि उपाई। दुसह बिरहु अब नहिं सहि जाई॥
Roman transliteration · उच्चारण
tajauṃ deha karu begi upāī| dusaha birahu aba nahiṃ sahi jāī||
Chaupai 101
आनि काठ रचु चिता बनाई। मातु अनल पुनि देहि लगाई॥
Roman transliteration · उच्चारण
āni kāṭha racu citā banāī| mātu anala puni dehi lagāī||
Chaupai 102
सत्य करहि मम प्रीति सयानी। सुनै को श्रवन सूल सम बानी॥
Roman transliteration · उच्चारण
satya karahi mama prīti sayānī| sunai ko śravana sūla sama bānī||
Chaupai 103
सुनत बचन पद गहि समुझाएसि। प्रभु प्रताप बल सुजसु सुनाएसि॥
Roman transliteration · उच्चारण
sunata bacana pada gahi samujhāesi| prabhu pratāpa bala sujasu sunāesi||
Chaupai 104
निसि न अनल मिल सुनु सुकुमारी। अस कहि सो निज भवन सिधारी॥
Roman transliteration · उच्चारण
nisi na anala mila sunu sukumārī| asa kahi so nija bhavana sidhārī||
Chaupai 105
कह सीता बिधि भा प्रतिकूला। मिलिहि न पावक मिटिहि न सूला॥
Roman transliteration · उच्चारण
kaha sītā bidhi bhā pratikūlā| milihi na pāvaka miṭihi na sūlā||
Chaupai 106
देखिअत प्रगट गगन अंगारा। अवनि न आवत एकउ तारा॥
Roman transliteration · उच्चारण
dekhiata pragaṭa gagana aṃgārā| avani na āvata ekau tārā||
Chaupai 107
पावकमय ससि स्रवत न आगी। मानहुँ मोहि जानि हतभागी॥
Roman transliteration · उच्चारण
pāvakamaya sasi sravata na āgī| mānahum̐ mohi jāni hatabhāgī||
Chaupai 108
सुनहि बिनय मम बिटप असोका। सत्य नाम करु हरु मम सोका॥
Roman transliteration · उच्चारण
sunahi binaya mama biṭapa asokā| satya nāma karu haru mama sokā||
Chaupai 109
नूतन किसलय अनल समाना। देहि अगिनि जनि करहि निदाना॥
Roman transliteration · उच्चारण
nūtana kisalaya anala samānā| dehi agini jani karahi nidānā||
Chaupai 110
देखि परम बिरहाकुल सीता। सो छन कपिहि कलप सम बीता॥
Roman transliteration · उच्चारण
dekhi parama birahākula sītā| so chana kapihi kalapa sama bītā||
Doha/Soratha 12
कपि करि हृदयँ बिचार दीन्हि मुद्रिका डारि तब, जनु असोक अंगार दीन्ह हरषि उठि कर गहेउ।
Roman transliteration · उच्चारण
kapi kari hṛdayam̐ bicāra dīnhi mudrikā ḍāri taba, janu asoka aṃgāra dīnha haraṣi uṭhi kara gaheu|
Chaupai 111
तब देखी मुद्रिका मनोहर। राम नाम अंकित अति सुंदर॥
Roman transliteration · उच्चारण
taba dekhī mudrikā manohara| rāma nāma aṃkita ati suṃdara||
Chaupai 112
चकित चितव मुदरी पहिचानी। हरष बिषाद हृदयँ अकुलानी॥
Roman transliteration · उच्चारण
cakita citava mudarī pahicānī| haraṣa biṣāda hṛdayam̐ akulānī||
Chaupai 113
जीति को सकइ अजय रघुराई। माया तें असि रचि नहिं जाई॥
Roman transliteration · उच्चारण
jīti ko sakai ajaya raghurāī| māyā teṃ asi raci nahiṃ jāī||
Chaupai 114
सीता मन बिचार कर नाना। मधुर बचन बोलेउ हनुमाना॥
Roman transliteration · उच्चारण
sītā mana bicāra kara nānā| madhura bacana boleu hanumānā||
Chaupai 115
रामचन्द्र गुन बरनैं लागा। सुनतहिं सीता कर दुख भागा॥
Roman transliteration · उच्चारण
rāmacandra guna baranaiṃ lāgā| sunatahiṃ sītā kara dukha bhāgā||
Chaupai 116
लागीं सुनैं श्रवन मन लाई। आदिहु तें सब कथा सुनाई॥
Roman transliteration · उच्चारण
lāgīṃ sunaiṃ śravana mana lāī| ādihu teṃ saba kathā sunāī||
Chaupai 117
श्रवनामृत जेहिं कथा सुहाई। कही सो प्रगट होति किन भाई॥
Roman transliteration · उच्चारण
śravanāmṛta jehiṃ kathā suhāī| kahī so pragaṭa hoti kina bhāī||
Chaupai 118
तब हनुमंत निकट चलि गयऊ। फिरि बैठीं मन बिसमय भयऊ॥
Roman transliteration · उच्चारण
taba hanumaṃta nikaṭa cali gayaū| phiri baiṭhīṃ mana bisamaya bhayaū||
Chaupai 119
राम दूत मैं मातु जानकी। सत्य सपथ करुनानिधान की॥
Roman transliteration · उच्चारण
rāma dūta maiṃ mātu jānakī| satya sapatha karunānidhāna kī||
Chaupai 120
यह मुद्रिका मातु मैं आनी। दीन्हि राम तुम्ह कहँ सहिदानी॥
Roman transliteration · उच्चारण
yaha mudrikā mātu maiṃ ānī| dīnhi rāma tumha kaham̐ sahidānī||
Chaupai 121
नर बानरहि संग कहु कैसें। कही कथा भइ संगति जैसें॥
Roman transliteration · उच्चारण
nara bānarahi saṃga kahu kaiseṃ| kahī kathā bhai saṃgati jaiseṃ||
Doha/Soratha 13
कपि के बचन सप्रेम सुनि उपजा मन बिस्वास, जाना मन क्रम बचन यह कृपासिंधु कर दास।
Roman transliteration · उच्चारण
kapi ke bacana saprema suni upajā mana bisvāsa, jānā mana krama bacana yaha kṛpāsiṃdhu kara dāsa|
Chaupai 122
हरिजन जानि प्रीति अति गाढ़ी। सजल नयन पुलकावलि बाढ़ी॥
Roman transliteration · उच्चारण
harijana jāni prīti ati gāḍhaी| sajala nayana pulakāvali bāḍhaी||
Chaupai 123
बूड़त बिरह जलधि हनुमाना। भयहु तात मो कहुँ जलजाना॥
Roman transliteration · उच्चारण
būḍata biraha jaladhi hanumānā| bhayahu tāta mo kahum̐ jalajānā||
Chaupai 124
अब कहु कुसल जाउँ बलिहारी। अनुज सहित सुख भवन खरारी॥
Roman transliteration · उच्चारण
aba kahu kusala jāum̐ balihārī| anuja sahita sukha bhavana kharārī||
Chaupai 125
कोमलचित कृपाल रघुराई। कपि केहि हेतु धरी निठुराई॥
Roman transliteration · उच्चारण
komalacita kṛpāla raghurāī| kapi kehi hetu dharī niṭhurāī||
Chaupai 126
सहज बानि सेवक सुखदायक। कबहुँक सुरति करत रघुनायक॥
Roman transliteration · उच्चारण
sahaja bāni sevaka sukhadāyaka| kabahum̐ka surati karata raghunāyaka||
Chaupai 127
कबहुँ नयन मम सीतल ताता। होइहहिं निरखि स्याम मृदु गाता॥
Roman transliteration · उच्चारण
kabahum̐ nayana mama sītala tātā| hoihahiṃ nirakhi syāma mṛdu gātā||
Chaupai 128
बचनु न आव नयन भरे बारी। अहह नाथ हौं निपट बिसारी॥
Roman transliteration · उच्चारण
bacanu na āva nayana bhare bārī| ahaha nātha hauṃ nipaṭa bisārī||
Chaupai 129
देखि परम बिरहाकुल सीता। बोला कपि मृदु बचन बिनीता॥
Roman transliteration · उच्चारण
dekhi parama birahākula sītā| bolā kapi mṛdu bacana binītā||
Chaupai 130
मातु कुसल प्रभु अनुज समेता। तव दुख दुखी सुकृपा निकेता॥
Roman transliteration · उच्चारण
mātu kusala prabhu anuja sametā| tava dukha dukhī sukṛpā niketā||
Chaupai 131
जनि जननी मानह जियँ ऊना। तुम्ह ते प्रेमु राम कें दूना॥
Roman transliteration · उच्चारण
jani jananī mānaha jiyam̐ ūnā| tumha te premu rāma keṃ dūnā||
Doha/Soratha 14
रघुपति कर संदेसु अब सुनु जननी धरि धीर, अस कहि कपि गदगद भयउ भरे बिलोचन नीर।
Roman transliteration · उच्चारण
raghupati kara saṃdesu aba sunu jananī dhari dhīra, asa kahi kapi gadagada bhayau bhare bilocana nīra|
Chaupai 132
कहेउ राम बियोग तव सीता। मो कहुँ सकल भए बिपरीता॥
Roman transliteration · उच्चारण
kaheu rāma biyoga tava sītā| mo kahum̐ sakala bhae biparītā||
Chaupai 133
नव तरु किसलय मनहुँ कृसानू। कालनिसा सम निसि ससि भानू॥
Roman transliteration · उच्चारण
nava taru kisalaya manahum̐ kṛsānū| kālanisā sama nisi sasi bhānū||
Chaupai 134
कुबलय बिपिन कुंत बन सरिसा। बारिद तपत तेल जनु बरिसा॥
Roman transliteration · उच्चारण
kubalaya bipina kuṃta bana sarisā| bārida tapata tela janu barisā||
Chaupai 135
जे हित रहे करत तेइ पीरा। उरग स्वास सम त्रिबिध समीरा॥
Roman transliteration · उच्चारण
je hita rahe karata tei pīrā| uraga svāsa sama tribidha samīrā||
Chaupai 136
कहेहू तें कछु दुख घटि होई। काहि कहौं यह जान न कोई॥
Roman transliteration · उच्चारण
kahehū teṃ kachu dukha ghaṭi hoī| kāhi kahauṃ yaha jāna na koī||
Chaupai 137
तत्व प्रेम कर मम अरु तोरा। जानत प्रिया एकु मनु मोरा॥
Roman transliteration · उच्चारण
tatva prema kara mama aru torā| jānata priyā eku manu morā||
Chaupai 138
सो मनु सदा रहत तोहि पाहीं। जानु प्रीति रसु एतनेहि माहीं॥
Roman transliteration · उच्चारण
so manu sadā rahata tohi pāhīṃ| jānu prīti rasu etanehi māhīṃ||
Chaupai 139
प्रभु संदेसु सुनत बैदेही। मगन प्रेम तन सुधि नहिं तेही॥
Roman transliteration · उच्चारण
prabhu saṃdesu sunata baidehī| magana prema tana sudhi nahiṃ tehī||
Chaupai 140
कह कपि हृदयँ धीर धरु माता। सुमिरु राम सेवक सुखदाता॥
Roman transliteration · उच्चारण
kaha kapi hṛdayam̐ dhīra dharu mātā| sumiru rāma sevaka sukhadātā||
Chaupai 141
उर आनहु रघुपति प्रभुताई। सुनि मम बचन तजहु कदराई॥
Roman transliteration · उच्चारण
ura ānahu raghupati prabhutāī| suni mama bacana tajahu kadarāī||
Doha/Soratha 15
निसिचर निकर पतंग सम रघुपति बान कृसानु, जननी हृदयँ धीर धरु जरे निसाचर जानु।
Roman transliteration · उच्चारण
nisicara nikara pataṃga sama raghupati bāna kṛsānu, jananī hṛdayam̐ dhīra dharu jare nisācara jānu|
Chaupai 142
जौं रघुबीर होति सुधि पाई। करते नहिं बिलंबु रघुराई॥
Roman transliteration · उच्चारण
jauṃ raghubīra hoti sudhi pāī| karate nahiṃ bilaṃbu raghurāī||
Chaupai 143
राम बान रबि उएँ जानकी। तम बरुथ कहँ जातुधान की॥
Roman transliteration · उच्चारण
rāma bāna rabi uem̐ jānakī| tama barutha kaham̐ jātudhāna kī||
Chaupai 144
अबहिं मातु मैं जाउँ लवाई। प्रभु आयुस नहिं राम दोहाई॥
Roman transliteration · उच्चारण
abahiṃ mātu maiṃ jāum̐ lavāī| prabhu āyusa nahiṃ rāma dohāī||
Chaupai 145
कछुक दिवस जननी धरु धीरा। कपिन्ह सहित अइहहिं रघुबीरा॥
Roman transliteration · उच्चारण
kachuka divasa jananī dharu dhīrā| kapinha sahita aihahiṃ raghubīrā||
Chaupai 146
निसिचर मारि तोहि लै जैहहिं। तिहुँ पुर नारदादि जसु गैहहिं॥
Roman transliteration · उच्चारण
nisicara māri tohi lai jaihahiṃ| tihum̐ pura nāradādi jasu gaihahiṃ||
Chaupai 147
हैं सुत कपि सब तुम्हहि समाना। जातुधान अति भट बलवाना॥
Roman transliteration · उच्चारण
haiṃ suta kapi saba tumhahi samānā| jātudhāna ati bhaṭa balavānā||
Chaupai 148
मोरें हृदय परम संदेहा। सुनि कपि प्रगट कीन्हि निज देहा॥
Roman transliteration · उच्चारण
moreṃ hṛdaya parama saṃdehā| suni kapi pragaṭa kīnhi nija dehā||
Chaupai 149
कनक भूधराकार सरीरा। समर भयंकर अतिबल बीरा॥
Roman transliteration · उच्चारण
kanaka bhūdharākāra sarīrā| samara bhayaṃkara atibala bīrā||
Chaupai 150
सीता मन भरोस तब भयऊ। पुनि लघु रूप पवनसुत लयऊ॥
Roman transliteration · उच्चारण
sītā mana bharosa taba bhayaū| puni laghu rūpa pavanasuta layaū||
Doha/Soratha 16
सुनु माता साखामृग नहिं बल बुद्धि बिसाल, प्रभु प्रताप तें गरुड़हि खाइ परम लघु ब्याल।
Roman transliteration · उच्चारण
sunu mātā sākhāmṛga nahiṃ bala buddhi bisāla, prabhu pratāpa teṃ garuḍahi khāi parama laghu byāla|
Chaupai 151
मन संतोष सुनत कपि बानी। भगति प्रताप तेज बल सानी॥
Roman transliteration · उच्चारण
mana saṃtoṣa sunata kapi bānī| bhagati pratāpa teja bala sānī||
Chaupai 152
आसिष दीन्हि राम प्रिय जाना। होहु तात बल सील निधाना॥
Roman transliteration · उच्चारण
āsiṣa dīnhi rāma priya jānā| hohu tāta bala sīla nidhānā||
Chaupai 153
अजर अमर गुननिधि सुत होहू। करहुँ बहुत रघुनायक छोहू॥
Roman transliteration · उच्चारण
ajara amara gunanidhi suta hohū| karahum̐ bahuta raghunāyaka chohū||
Chaupai 154
करहुँ कृपा प्रभु अस सुनि काना। निर्भर प्रेम मगन हनुमाना॥
Roman transliteration · उच्चारण
karahum̐ kṛpā prabhu asa suni kānā| nirbhara prema magana hanumānā||
Chaupai 155
बार बार नाएसि पद सीसा। बोला बचन जोरि कर कीसा॥
Roman transliteration · उच्चारण
bāra bāra nāesi pada sīsā| bolā bacana jori kara kīsā||
Chaupai 156
अब कृतकृत्य भयउँ मैं माता। आसिष तव अमोघ बिख्याता॥
Roman transliteration · उच्चारण
aba kṛtakṛtya bhayaum̐ maiṃ mātā| āsiṣa tava amogha bikhyātā||
Chaupai 157
सुनहु मातु मोहि अतिसय भूखा। लागि देखि सुंदर फल रूखा॥
Roman transliteration · उच्चारण
sunahu mātu mohi atisaya bhūkhā| lāgi dekhi suṃdara phala rūkhā||
Chaupai 158
सुनु सुत करहिं बिपिन रखवारी। परम सुभट रजनीचर भारी॥
Roman transliteration · उच्चारण
sunu suta karahiṃ bipina rakhavārī| parama subhaṭa rajanīcara bhārī||
Chaupai 159
तिन्ह कर भय माता मोहि नाहीं। जौं तुम्ह सुख मानहु मन माहीं॥
Roman transliteration · उच्चारण
tinha kara bhaya mātā mohi nāhīṃ| jauṃ tumha sukha mānahu mana māhīṃ||
Doha/Soratha 17
देखि बुद्धि बल निपुन कपि कहेउ जानकीं जाहु, रघुपति चरन हृदयँ धरि तात मधुर फल खाहु।
Roman transliteration · उच्चारण
dekhi buddhi bala nipuna kapi kaheu jānakīṃ jāhu, raghupati carana hṛdayam̐ dhari tāta madhura phala khāhu|
Chaupai 160
चलेउ नाइ सिरु पैठेउ बागा। फल खाएसि तरु तोरैं लागा॥
Roman transliteration · उच्चारण
caleu nāi siru paiṭheu bāgā| phala khāesi taru toraiṃ lāgā||
Chaupai 161
रहे तहाँ बहु भट रखवारे। कछु मारेसि कछु जाइ पुकारे॥
Roman transliteration · उच्चारण
rahe tahām̐ bahu bhaṭa rakhavāre| kachu māresi kachu jāi pukāre||
Chaupai 162
नाथ एक आवा कपि भारी। तेहिं असोक बाटिका उजारी॥
Roman transliteration · उच्चारण
nātha eka āvā kapi bhārī| tehiṃ asoka bāṭikā ujārī||
Chaupai 163
खाएसि फल अरु बिटप उपारे। रच्छक मर्दि मर्दि महि डारे॥
Roman transliteration · उच्चारण
khāesi phala aru biṭapa upāre| racchaka mardi mardi mahi ḍāre||
Chaupai 164
सुनि रावन पठए भट नाना। तिन्हहि देखि गर्जेउ हनुमाना॥
Roman transliteration · उच्चारण
suni rāvana paṭhae bhaṭa nānā| tinhahi dekhi garjeu hanumānā||
Chaupai 165
सब रजनीचर कपि संघारे। गए पुकारत कछु अधमारे॥
Roman transliteration · उच्चारण
saba rajanīcara kapi saṃghāre| gae pukārata kachu adhamāre||
Chaupai 166
पुनि पठयउ तेहिं अच्छकुमारा। चला संग लै सुभट अपारा॥
Roman transliteration · उच्चारण
puni paṭhayau tehiṃ acchakumārā| calā saṃga lai subhaṭa apārā||
Chaupai 167
आवत देखि बिटप गहि तर्जा। ताहि निपाति महाधुनि गर्जा॥
Roman transliteration · उच्चारण
āvata dekhi biṭapa gahi tarjā| tāhi nipāti mahādhuni garjā||
Doha/Soratha 18
कछु मारेसि कछु मर्देसि कछु मिलएसि धरि धूरि, कछु पुनि जाइ पुकारे प्रभु मर्कट बल भूरि।
Roman transliteration · उच्चारण
kachu māresi kachu mardesi kachu milaesi dhari dhūri, kachu puni jāi pukāre prabhu markaṭa bala bhūri|
Chaupai 168
सुनि सुत बध लंकेस रिसाना। पठएसि मेघनाद बलवाना॥
Roman transliteration · उच्चारण
suni suta badha laṃkesa risānā| paṭhaesi meghanāda balavānā||
Chaupai 169
मारसि जनि सुत बाँधेसु ताही। देखिअ कपिहि कहाँ कर आही॥
Roman transliteration · उच्चारण
mārasi jani suta bām̐dhesu tāhī| dekhia kapihi kahām̐ kara āhī||
Chaupai 170
चला इन्द्रजित अतुलित जोधा। बंधु निधन सुनि उपजा क्रोधा॥
Roman transliteration · उच्चारण
calā indrajita atulita jodhā| baṃdhu nidhana suni upajā krodhā||
Chaupai 171
कपि देखा दारुन भट आवा। कटकटाइ गर्जा अरु धावा॥
Roman transliteration · उच्चारण
kapi dekhā dāruna bhaṭa āvā| kaṭakaṭāi garjā aru dhāvā||
Chaupai 172
अति बिसाल तरु एक उपारा। बिरथ कीन्ह लंकेस कुमारा॥
Roman transliteration · उच्चारण
ati bisāla taru eka upārā| biratha kīnha laṃkesa kumārā||
Chaupai 173
रहे महाभट ताके संगा। गहि गहि कपि मर्दई निज अंगा॥
Roman transliteration · उच्चारण
rahe mahābhaṭa tāke saṃgā| gahi gahi kapi mardaī nija aṃgā||
Chaupai 174
तिन्हहि निपाति ताहि सन बाजा। भिरे जुगल मानहुँ गजराजा॥
Roman transliteration · उच्चारण
tinhahi nipāti tāhi sana bājā| bhire jugala mānahum̐ gajarājā||
Chaupai 175
मुठिका मारि चढ़ा तरु जाई। ताहि एक छन मुरुछा आई॥
Roman transliteration · उच्चारण
muṭhikā māri caḍhaा taru jāī| tāhi eka chana muruchā āī||
Chaupai 176
उठि बहोरि कीन्हिसि बहु माया। जीति न जाइ प्रभंजन जाया॥
Roman transliteration · उच्चारण
uṭhi bahori kīnhisi bahu māyā| jīti na jāi prabhaṃjana jāyā||
Doha/Soratha 19
ब्रह्म अस्त्र तेहि साँधा कपि मन कीन्ह बिचार, जौं न ब्रह्मसर मानउँ महिमा मिटइ अपार।
Roman transliteration · उच्चारण
brahma astra tehi sām̐dhā kapi mana kīnha bicāra, jauṃ na brahmasara mānaum̐ mahimā miṭai apāra|
Chaupai 177
ब्रह्मबान कपि कहुँ तेहिं मारा। परतिहुँ बार कटकु संघारा॥
Roman transliteration · उच्चारण
brahmabāna kapi kahum̐ tehiṃ mārā| paratihum̐ bāra kaṭaku saṃghārā||
Chaupai 178
तेहिं देखा कपि मुरुछित भयऊ। नागपास बाँधेसि लै गयऊ॥
Roman transliteration · उच्चारण
tehiṃ dekhā kapi muruchita bhayaū| nāgapāsa bām̐dhesi lai gayaū||
Chaupai 179
जासु नाम जपि सुनहु भवानी। भव बंधन काटहिं नर ग्यानी॥
Roman transliteration · उच्चारण
jāsu nāma japi sunahu bhavānī| bhava baṃdhana kāṭahiṃ nara gyānī||
Chaupai 180
तासु दूत कि बंध तरु आवा। प्रभु कारज लगि कपिहिं बँधावा॥
Roman transliteration · उच्चारण
tāsu dūta ki baṃdha taru āvā| prabhu kāraja lagi kapihiṃ bam̐dhāvā||
Chaupai 181
कपि बंधन सुनि निसिचर धाए। कौतुक लागि सभाँ सब आए॥
Roman transliteration · उच्चारण
kapi baṃdhana suni nisicara dhāe| kautuka lāgi sabhām̐ saba āe||
Chaupai 182
दसमुख सभा दीखि कपि जाई। कहि न जाइ कछु अति प्रभुताई॥
Roman transliteration · उच्चारण
dasamukha sabhā dīkhi kapi jāī| kahi na jāi kachu ati prabhutāī||
Chaupai 183
कर जोरें सुर दिसिप बिनीता। भृकुटि बिलोकत सकल सभीता॥
Roman transliteration · उच्चारण
kara joreṃ sura disipa binītā| bhṛkuṭi bilokata sakala sabhītā||
Chaupai 184
देखि प्रताप न कपि मन संका। जिमि अहिगन महुँ गरुड़ असंका॥
Roman transliteration · उच्चारण
dekhi pratāpa na kapi mana saṃkā| jimi ahigana mahum̐ garuḍa asaṃkā||
Doha/Soratha 20
कपिहि बिलोकि दसानन बिहसा कहि दुर्बाद, सुत बध सुरति कीन्हि पुनि उपजा हृदयँ बिसाद।
Roman transliteration · उच्चारण
kapihi biloki dasānana bihasā kahi durbāda, suta badha surati kīnhi puni upajā hṛdayam̐ bisāda|
Chaupai 185
कह लंकेस कवन तैं कीसा। केहि कें बल घालेहि बन खीसा॥
Roman transliteration · उच्चारण
kaha laṃkesa kavana taiṃ kīsā| kehi keṃ bala ghālehi bana khīsā||
Chaupai 186
की धौं श्रवन सुनेहि नहिं मोही। देखउँ अति असंक सठ तोही॥
Roman transliteration · उच्चारण
kī dhauṃ śravana sunehi nahiṃ mohī| dekhaum̐ ati asaṃka saṭha tohī||
Chaupai 187
मारे निसिचर केहिं अपराधा। कहु सठ तोहि न प्रान कइ बाधा॥
Roman transliteration · उच्चारण
māre nisicara kehiṃ aparādhā| kahu saṭha tohi na prāna kai bādhā||
Chaupai 188
सुनु रावन ब्रह्मांड निकाया। पाइ जासु बल बिरचति माया॥
Roman transliteration · उच्चारण
sunu rāvana brahmāṃḍa nikāyā| pāi jāsu bala biracati māyā||
Chaupai 189
जाकें बल बिरंचि हरि ईसा। पालत सृजत हरत दससीसा॥
Roman transliteration · उच्चारण
jākeṃ bala biraṃci hari īsā| pālata sṛjata harata dasasīsā||
Chaupai 190
जा बल सीस धरत सहसानन। अंडकोस समेत गिरि कानन॥
Roman transliteration · उच्चारण
jā bala sīsa dharata sahasānana| aṃḍakosa sameta giri kānana||
Chaupai 191
धरइ जो बिबिध देह सुरत्राता। तुम्ह से सठन्ह सिखावनु दाता॥
Roman transliteration · उच्चारण
dharai jo bibidha deha suratrātā| tumha se saṭhanha sikhāvanu dātā||
Chaupai 192
हर कोदंड कठिन जेहिं भंजा। तेहि समेत नृप दल मद गंजा॥
Roman transliteration · उच्चारण
hara kodaṃḍa kaṭhina jehiṃ bhaṃjā| tehi sameta nṛpa dala mada gaṃjā||
Chaupai 193
खर दूषन त्रिसिरा अरु बाली। बधे सकल अतुलित बलसाली॥
Roman transliteration · उच्चारण
khara dūṣana trisirā aru bālī| badhe sakala atulita balasālī||
Doha/Soratha 21
जाके बल लवलेस तें जितेहु चराचर झारि, तास दूत मैं जा करि हरि आनेहु प्रिय नारि।
Roman transliteration · उच्चारण
jāke bala lavalesa teṃ jitehu carācara jhāri, tāsa dūta maiṃ jā kari hari ānehu priya nāri|
Chaupai 194
जानउँ मैं तुम्हारि प्रभुताई। सहसबाहु सन परी लराई॥
Roman transliteration · उच्चारण
jānaum̐ maiṃ tumhāri prabhutāī| sahasabāhu sana parī larāī||
Chaupai 195
समर बालि सन करि जसु पावा। सुनि कपि बचन बिहसि बिहरावा॥
Roman transliteration · उच्चारण
samara bāli sana kari jasu pāvā| suni kapi bacana bihasi biharāvā||
Chaupai 196
खायउँ फल प्रभु लागी भूँखा। कपि सुभाव तें तोरेउँ रूखा॥
Roman transliteration · उच्चारण
khāyaum̐ phala prabhu lāgī bhūm̐khā| kapi subhāva teṃ toreum̐ rūkhā||
Chaupai 197
सब कें देह परम प्रिय स्वामी। मारहिं मोहि कुमारग गामी॥
Roman transliteration · उच्चारण
saba keṃ deha parama priya svāmī| mārahiṃ mohi kumāraga gāmī||
Chaupai 198
जिन्ह मोहि मारा ते मैं मारे। तेहि पर बाँधेउँ तनयँ तुम्हारे॥
Roman transliteration · उच्चारण
jinha mohi mārā te maiṃ māre| tehi para bām̐dheum̐ tanayam̐ tumhāre||
Chaupai 199
मोहि न कछु बाँधे कइ लाजा। कीन्ह चहउँ निज प्रभु कर काजा॥
Roman transliteration · उच्चारण
mohi na kachu bām̐dhe kai lājā| kīnha cahaum̐ nija prabhu kara kājā||
Chaupai 200
बिनती करउँ जोरि कर रावन। सुनहु मान तजि मोर सिखावन॥
Roman transliteration · उच्चारण
binatī karaum̐ jori kara rāvana| sunahu māna taji mora sikhāvana||
Chaupai 201
देखहु तुम्ह निज कुलहि बिचारी। भ्रम तजि भजहु भगत भय हारी॥
Roman transliteration · उच्चारण
dekhahu tumha nija kulahi bicārī| bhrama taji bhajahu bhagata bhaya hārī||
Chaupai 202
जाकें डर अति काल डेराई। जो सुर असुर चराचर खाई॥
Roman transliteration · उच्चारण
jākeṃ ḍara ati kāla ḍerāī| jo sura asura carācara khāī||
Chaupai 203
तासों बयरु कबहुँ नहिं कीजै। मोरे कहें जानकी दीजै॥
Roman transliteration · उच्चारण
tāsoṃ bayaru kabahum̐ nahiṃ kījai| more kaheṃ jānakī dījai||
Doha/Soratha 22
प्रनतपाल रघुनायक करुना सिंधु खरारि, गएँ सरन प्रभु राखिहैं तव अपराध बिसारि।
Roman transliteration · उच्चारण
pranatapāla raghunāyaka karunā siṃdhu kharāri, gaem̐ sarana prabhu rākhihaiṃ tava aparādha bisāri|
Chaupai 204
राम चरन पंकज उर धरहू। लंका अचल राजु तुम्ह करहू॥
Roman transliteration · उच्चारण
rāma carana paṃkaja ura dharahū| laṃkā acala rāju tumha karahū||
Chaupai 205
रिषि पुलस्ति जसु बिमल मयंका। तेहि ससि महुँ जनि होहु कलंका॥
Roman transliteration · उच्चारण
riṣi pulasti jasu bimala mayaṃkā| tehi sasi mahum̐ jani hohu kalaṃkā||
Chaupai 206
राम नाम बिनु गिरा न सोहा। देखु बिचारि त्यागि मद मोहा॥
Roman transliteration · उच्चारण
rāma nāma binu girā na sohā| dekhu bicāri tyāgi mada mohā||
Chaupai 207
बसन हीन नहिं सोह सुरारी। सब भूषन भूषित बर नारी॥
Roman transliteration · उच्चारण
basana hīna nahiṃ soha surārī| saba bhūṣana bhūṣita bara nārī||
Chaupai 208
राम बिमुख संपति प्रभुताई। जाइ रही पाई बिनु पाई॥
Roman transliteration · उच्चारण
rāma bimukha saṃpati prabhutāī| jāi rahī pāī binu pāī||
Chaupai 209
सजल मूल जिन्ह सरितन्ह नाहीं। बरषि गएँ पुनि तबहिं सुखाहीं॥
Roman transliteration · उच्चारण
sajala mūla jinha saritanha nāhīṃ| baraṣi gaem̐ puni tabahiṃ sukhāhīṃ||
Chaupai 210
सुनु दसकंठ कहउँ पन रोपी। बिमुख राम त्राता नहिं कोपी॥
Roman transliteration · उच्चारण
sunu dasakaṃṭha kahaum̐ pana ropī| bimukha rāma trātā nahiṃ kopī||
Chaupai 211
संकर सहस बिष्नु अज तोही। सकहिं न राखि राम कर द्रोही॥
Roman transliteration · उच्चारण
saṃkara sahasa biṣnu aja tohī| sakahiṃ na rākhi rāma kara drohī||
Doha/Soratha 23
मोहमूल बहु सूल प्रद त्यागहु तम अभिमान, भजहु राम रघुनायक कृपा सिंधु भगवान।
Roman transliteration · उच्चारण
mohamūla bahu sūla prada tyāgahu tama abhimāna, bhajahu rāma raghunāyaka kṛpā siṃdhu bhagavāna|
Chaupai 212
जदपि कही कपि अति हित बानी। भगति बिबेक बिरति नय सानी॥
Roman transliteration · उच्चारण
jadapi kahī kapi ati hita bānī| bhagati bibeka birati naya sānī||
Chaupai 213
बोला बिहसि महा अभिमानी। मिला हमहि कपि गुर बड़ ग्यानी॥
Roman transliteration · उच्चारण
bolā bihasi mahā abhimānī| milā hamahi kapi gura baḍa gyānī||
Chaupai 214
मृत्यु निकट आई खल तोही। लागेसि अधम सिखावन मोही॥
Roman transliteration · उच्चारण
mṛtyu nikaṭa āī khala tohī| lāgesi adhama sikhāvana mohī||
Chaupai 215
उलटा होइहि कह हनुमाना। मतिभ्रम तोर प्रगट मैं जाना॥
Roman transliteration · उच्चारण
ulaṭā hoihi kaha hanumānā| matibhrama tora pragaṭa maiṃ jānā||
Chaupai 216
सुनि कपि बचन बहुत खिसिआना। बेगि न हरहु मूढ़ कर प्राना॥
Roman transliteration · उच्चारण
suni kapi bacana bahuta khisiānā| begi na harahu mūḍha kara prānā||
Chaupai 217
सुनत निसाचर मारन धाए। सचिवन्ह सहित बिभीषनु आए॥
Roman transliteration · उच्चारण
sunata nisācara mārana dhāe| sacivanha sahita bibhīṣanu āe||
Chaupai 218
नाइ सीस करि बिनय बहूता। नीति बिरोध न मारिअ दूता॥
Roman transliteration · उच्चारण
nāi sīsa kari binaya bahūtā| nīti birodha na māria dūtā||
Chaupai 219
आन दंड कछु करिअ गोसाँई। सबहीं कहा मंत्र भल भाई॥
Roman transliteration · उच्चारण
āna daṃḍa kachu karia gosām̐ī| sabahīṃ kahā maṃtra bhala bhāī||
Chaupai 220
सुनत बिहसि बोला दसकंधर। अंग भंग करि पठइअ बंदर॥
Roman transliteration · उच्चारण
sunata bihasi bolā dasakaṃdhara| aṃga bhaṃga kari paṭhaia baṃdara||
Doha/Soratha 24
कपि कें ममता पूँछ पर सबहि कहउँ समुझाइ, तेल बोरि पट बाँधि पुनि पावक देहु लगाइ।
Roman transliteration · उच्चारण
kapi keṃ mamatā pūm̐cha para sabahi kahaum̐ samujhāi, tela bori paṭa bām̐dhi puni pāvaka dehu lagāi|
Chaupai 221
पूँछहीन बानर तहँ जाइहि। तब सठ निज नाथहि लइ आइहि॥
Roman transliteration · उच्चारण
pūm̐chahīna bānara taham̐ jāihi| taba saṭha nija nāthahi lai āihi||
Chaupai 222
जिन्ह कै कीन्हिसि बहुत बड़ाई। देखउ मैं तिन्ह कै प्रभुताई॥
Roman transliteration · उच्चारण
jinha kai kīnhisi bahuta baḍaाī| dekhau maiṃ tinha kai prabhutāī||
Chaupai 223
बचन सुनत कपि मन मुसुकाना। भइ सहाय सारद मैं जाना॥
Roman transliteration · उच्चारण
bacana sunata kapi mana musukānā| bhai sahāya sārada maiṃ jānā||
Chaupai 224
जातुधान सुनि रावन बचना। लागे रचैं मूढ़ सोइ रचना॥
Roman transliteration · उच्चारण
jātudhāna suni rāvana bacanā| lāge racaiṃ mūḍha soi racanā||
Chaupai 225
रहा न नगर बसन घृत तेला। बाढ़ी पूँछ कीन्ह कपि खेला॥
Roman transliteration · उच्चारण
rahā na nagara basana ghṛta telā| bāḍhaी pūm̐cha kīnha kapi khelā||
Chaupai 226
कौतुक कहँ आए पुरबासी। मारहिं चरन करहिं बहु हाँसी॥
Roman transliteration · उच्चारण
kautuka kaham̐ āe purabāsī| mārahiṃ carana karahiṃ bahu hām̐sī||
Chaupai 227
बाजहिं ढोल देहिं सब तारी। नगर फेरि पुनि पूँछ प्रजारी॥
Roman transliteration · उच्चारण
bājahiṃ ḍhola dehiṃ saba tārī| nagara pheri puni pūm̐cha prajārī||
Chaupai 228
पावक जरत देखि हनुमंता। भयउ परम लघुरूप तुरंता॥
Roman transliteration · उच्चारण
pāvaka jarata dekhi hanumaṃtā| bhayau parama laghurūpa turaṃtā||
Chaupai 229
निबुकि चढ़ेउ कप कनक अटारीं। भईं सभीत निसाचर नारीं॥
Roman transliteration · उच्चारण
nibuki caḍhaेu kapa kanaka aṭārīṃ| bhaīṃ sabhīta nisācara nārīṃ||
Doha/Soratha 25
हरि प्रेरित तेहि अवसर चले मरुत उनचास, अट्टहास करि गर्जा कपि बढ़ि लाग अकास।
Roman transliteration · उच्चारण
hari prerita tehi avasara cale maruta unacāsa, aṭṭahāsa kari garjā kapi baḍhaि lāga akāsa|
Chaupai 230
देह बिसाल परम हरुआई। मंदिर तें मंदिर चढ़ धाई॥
Roman transliteration · उच्चारण
deha bisāla parama haruāī| maṃdira teṃ maṃdira caḍha dhāī||
Chaupai 231
जरइ नगर भा लोग बिहाला। झपट लपट बहु कोटि कराला॥
Roman transliteration · उच्चारण
jarai nagara bhā loga bihālā| jhapaṭa lapaṭa bahu koṭi karālā||
Chaupai 232
तात मातु हा सुनिअ पुकारा। एहिं अवसर को हमहि उबारा॥
Roman transliteration · उच्चारण
tāta mātu hā sunia pukārā| ehiṃ avasara ko hamahi ubārā||
Chaupai 233
हम जो कहा यह कपि नहिं होई। बानर रूप धरें सुर कोई॥
Roman transliteration · उच्चारण
hama jo kahā yaha kapi nahiṃ hoī| bānara rūpa dhareṃ sura koī||
Chaupai 234
साधु अवग्या कर फलु ऐसा। जरइ नगर अनाथ कर जैसा॥
Roman transliteration · उच्चारण
sādhu avagyā kara phalu aisā| jarai nagara anātha kara jaisā||
Chaupai 235
जारा नगरु निमिष एक माहीं। एक बिभीषन कर गृह नाहीं॥
Roman transliteration · उच्चारण
jārā nagaru nimiṣa eka māhīṃ| eka bibhīṣana kara gṛha nāhīṃ||
Chaupai 236
ताकर दूत अनल जेहिं सिरिजा। जरा न सो तेहि कारन गिरिजा॥
Roman transliteration · उच्चारण
tākara dūta anala jehiṃ sirijā| jarā na so tehi kārana girijā||
Chaupai 237
उलटि पलटि लंका सब जारी। कूदि परा पुनि सिंधु मझारी॥
Roman transliteration · उच्चारण
ulaṭi palaṭi laṃkā saba jārī| kūdi parā puni siṃdhu majhārī||
Doha/Soratha 26
पूँछ बुझाइ खोइ श्रम धरि लघु रूप बहोरि, जनकसुता कें आगें ठाढ़ भयउ कर जोरि।
Roman transliteration · उच्चारण
pūm̐cha bujhāi khoi śrama dhari laghu rūpa bahori, janakasutā keṃ āgeṃ ṭhāḍha bhayau kara jori|
Chaupai 238
मातु मोहि दीजे कछु चीन्हा। जैसें रघुनायक मोहि दीन्हा॥
Roman transliteration · उच्चारण
mātu mohi dīje kachu cīnhā| jaiseṃ raghunāyaka mohi dīnhā||
Chaupai 239
चूड़ामनि उतारि तब दयऊ। हरष समेत पवनसुत लयऊ॥
Roman transliteration · उच्चारण
cūḍaाmani utāri taba dayaū| haraṣa sameta pavanasuta layaū||
Chaupai 240
कहेहु तात अस मोर प्रनामा। सब प्रकार प्रभु पूरनकामा॥
Roman transliteration · उच्चारण
kahehu tāta asa mora pranāmā| saba prakāra prabhu pūranakāmā||
Chaupai 241
दीन दयाल बिरिदु संभारी। हरहु नाथ मम संकट भारी॥
Roman transliteration · उच्चारण
dīna dayāla biridu saṃbhārī| harahu nātha mama saṃkaṭa bhārī||
Chaupai 242
तात सक्रसुत कथा सनाएहु। बान प्रताप प्रभुहि समुझाएहु॥
Roman transliteration · उच्चारण
tāta sakrasuta kathā sanāehu| bāna pratāpa prabhuhi samujhāehu||
Chaupai 243
मास दिवस महुँ नाथु न आवा। तौ पुनि मोहि जिअत नहिं पावा॥
Roman transliteration · उच्चारण
māsa divasa mahum̐ nāthu na āvā| tau puni mohi jiata nahiṃ pāvā||
Chaupai 244
कहु कपि केहि बिधि राखौं प्राना। तुम्हहू तात कहत अब जाना॥
Roman transliteration · उच्चारण
kahu kapi kehi bidhi rākhauṃ prānā| tumhahū tāta kahata aba jānā||
Chaupai 245
तोहि देखि सीतलि भइ छाती। पुनि मो कहुँ सोइ दिनु सो राती॥
Roman transliteration · उच्चारण
tohi dekhi sītali bhai chātī| puni mo kahum̐ soi dinu so rātī||
Doha/Soratha 27
जनकसुतहि समुझाइ करि बहु बिधि धीरजु दीन्ह, चरन कमल सिरु नाइ कपि गवनु राम पहिं कीन्ह।
Roman transliteration · उच्चारण
janakasutahi samujhāi kari bahu bidhi dhīraju dīnha, carana kamala siru nāi kapi gavanu rāma pahiṃ kīnha|
Chaupai 246
चलत महाधुनि गर्जेसि भारी। गर्भ स्रवहिं सुनि निसिचर नारी॥
Roman transliteration · उच्चारण
calata mahādhuni garjesi bhārī| garbha sravahiṃ suni nisicara nārī||
Chaupai 247
नाघि सिंधु एहि पारहि आवा। सबद किलिकिला कपिन्ह सुनावा॥
Roman transliteration · उच्चारण
nāghi siṃdhu ehi pārahi āvā| sabada kilikilā kapinha sunāvā||
Chaupai 248
हरषे सब बिलोकि हनुमाना। नूतन जन्म कपिन्ह तब जाना॥
Roman transliteration · उच्चारण
haraṣe saba biloki hanumānā| nūtana janma kapinha taba jānā||
Chaupai 249
मुख प्रसन्न तन तेज बिराजा। कीन्हेसि रामचन्द्र कर काजा॥
Roman transliteration · उच्चारण
mukha prasanna tana teja birājā| kīnhesi rāmacandra kara kājā||
Chaupai 250
मिले सकल अति भए सुखारी। तलफत मीन पाव जिमि बारी॥
Roman transliteration · उच्चारण
mile sakala ati bhae sukhārī| talaphata mīna pāva jimi bārī||
Chaupai 251
चले हरषि रघुनायक पासा। पूँछत कहत नवल इतिहासा॥
Roman transliteration · उच्चारण
cale haraṣi raghunāyaka pāsā| pūm̐chata kahata navala itihāsā||
Chaupai 252
तब मधुबन भीतर सब आए। अंगद संमत मधु फल खाए॥
Roman transliteration · उच्चारण
taba madhubana bhītara saba āe| aṃgada saṃmata madhu phala khāe||
Chaupai 253
रखवारे जब बरजन लागे। मुष्टि प्रहार हनत सब भागे॥
Roman transliteration · उच्चारण
rakhavāre jaba barajana lāge| muṣṭi prahāra hanata saba bhāge||
Doha/Soratha 28
जाइ पुकारे ते सब बन उजार जुबराज, सुनि सुग्रीव हरष कपि करि आए प्रभु काज।
Roman transliteration · उच्चारण
jāi pukāre te saba bana ujāra jubarāja, suni sugrīva haraṣa kapi kari āe prabhu kāja|
Chaupai 254
जौं न होति सीता सुधि पाई। मधुबन के फल सकहिं कि काई॥
Roman transliteration · उच्चारण
jauṃ na hoti sītā sudhi pāī| madhubana ke phala sakahiṃ ki kāī||
Chaupai 255
एहि बिधि मन बिचार कर राजा। आइ गए कपि सहित समाजा॥
Roman transliteration · उच्चारण
ehi bidhi mana bicāra kara rājā| āi gae kapi sahita samājā||
Chaupai 256
आइ सबन्हि नावा पद सीसा। मिलेउ सबन्हि अति प्रेम कपीसा॥
Roman transliteration · उच्चारण
āi sabanhi nāvā pada sīsā| mileu sabanhi ati prema kapīsā||
Chaupai 257
पूँछी कुसल कुसल पद देखी। राम कृपाँ भा काजु बिसेषी॥
Roman transliteration · उच्चारण
pūm̐chī kusala kusala pada dekhī| rāma kṛpām̐ bhā kāju biseṣī||
Chaupai 258
नाथ काजु कीन्हेउ हनुमाना। राखे सकल कपिन्ह के प्राना॥
Roman transliteration · उच्चारण
nātha kāju kīnheu hanumānā| rākhe sakala kapinha ke prānā||
Chaupai 259
सुनि सुग्रीव बहुरि तेहि मिलेऊ। कपिन्ह सहित रघुपति पहिं चलेऊ॥
Roman transliteration · उच्चारण
suni sugrīva bahuri tehi mileū| kapinha sahita raghupati pahiṃ caleū||
Chaupai 260
राम कपिन्ह जब आवत देखा। किएँ काजु मन हरष बिसेषा॥
Roman transliteration · उच्चारण
rāma kapinha jaba āvata dekhā| kiem̐ kāju mana haraṣa biseṣā||
Chaupai 261
फटिक सिला बैठे द्वौ भाई। परे सकल कपि चरनन्हि जाई॥
Roman transliteration · उच्चारण
phaṭika silā baiṭhe dvau bhāī| pare sakala kapi carananhi jāī||
Doha/Soratha 29
प्रीति सहित सब भेंटे रघुपति करुना पुंज, पूछी कुसल नाथ अब कुसल देखि पद कंज।
Roman transliteration · उच्चारण
prīti sahita saba bheṃṭe raghupati karunā puṃja, pūchī kusala nātha aba kusala dekhi pada kaṃja|
Chaupai 262
जामवंत कह सुनु रघुराया। जा पर नाथ करहु तुम्ह दाया॥
Roman transliteration · उच्चारण
jāmavaṃta kaha sunu raghurāyā| jā para nātha karahu tumha dāyā||
Chaupai 263
ताहि सदा सुभ कुसल निरंतर। सुर नर मुनि प्रसन्न ता ऊपर॥
Roman transliteration · उच्चारण
tāhi sadā subha kusala niraṃtara| sura nara muni prasanna tā ūpara||
Chaupai 264
सोइ बिजई बिनई गुन सागर। तासु सुजसु त्रैलोक उजागर॥
Roman transliteration · उच्चारण
soi bijaī binaī guna sāgara| tāsu sujasu trailoka ujāgara||
Chaupai 265
प्रभु कीं कृपा भयउ सबु काजू। जन्म हमार सुफल भा आजू॥
Roman transliteration · उच्चारण
prabhu kīṃ kṛpā bhayau sabu kājū| janma hamāra suphala bhā ājū||
Chaupai 266
नाथ पवनसुत कीन्हि जो करनी। सहसहुँ मुख न जाइ सो बरनी॥
Roman transliteration · उच्चारण
nātha pavanasuta kīnhi jo karanī| sahasahum̐ mukha na jāi so baranī||
Chaupai 267
पवनतनय के चरित सुहाए। जामवंत रघुपतिहि सुनाए॥
Roman transliteration · उच्चारण
pavanatanaya ke carita suhāe| jāmavaṃta raghupatihi sunāe||
Chaupai 268
सुनत कृपानिधि मन अति भाए। पुनि हनुमान हरषि हियँ लाए॥
Roman transliteration · उच्चारण
sunata kṛpānidhi mana ati bhāe| puni hanumāna haraṣi hiyam̐ lāe||
Chaupai 269
कहहु तात केहि भाँति जानकी। रहति करति रच्छा स्वप्रान की॥
Roman transliteration · उच्चारण
kahahu tāta kehi bhām̐ti jānakī| rahati karati racchā svaprāna kī||
Doha/Soratha 30
नाम पाहरू दिवस निसि ध्यान तुम्हार कपाट, लोचन निज पद जंत्रित जाहिं प्रान केहिं बाट।
Roman transliteration · उच्चारण
nāma pāharū divasa nisi dhyāna tumhāra kapāṭa, locana nija pada jaṃtrita jāhiṃ prāna kehiṃ bāṭa|
Chaupai 270
चलत मोहि चूड़ामनि दीन्हीं। रघुपति हृदयँ लाइ सोइ लीन्ही॥
Roman transliteration · उच्चारण
calata mohi cūḍaाmani dīnhīṃ| raghupati hṛdayam̐ lāi soi līnhī||
Chaupai 271
नाथ जुगल लोचन भरि बारी। बचन कहे कछु जनककुमारी॥
Roman transliteration · उच्चारण
nātha jugala locana bhari bārī| bacana kahe kachu janakakumārī||
Chaupai 272
अनुज समेत गहेहु प्रभु चरना। दीन बंधु प्रनतारति हरना॥
Roman transliteration · उच्चारण
anuja sameta gahehu prabhu caranā| dīna baṃdhu pranatārati haranā||
Chaupai 273
मन क्रम बचन चरन अनुरागी। केहिं अपराध नाथ हौं त्यागी॥
Roman transliteration · उच्चारण
mana krama bacana carana anurāgī| kehiṃ aparādha nātha hauṃ tyāgī||
Chaupai 274
अवगुन एक मोर मैं माना। बिछुरत प्रान न कीन्ह पयाना॥
Roman transliteration · उच्चारण
avaguna eka mora maiṃ mānā| bichurata prāna na kīnha payānā||
Chaupai 275
नाथ सो नयनन्हि को अपराधा। निसरत प्रान करहिं हठि बाधा॥
Roman transliteration · उच्चारण
nātha so nayananhi ko aparādhā| nisarata prāna karahiṃ haṭhi bādhā||
Chaupai 276
बिरह अगिनि तनु तूल समीरा। स्वास जरइ छन माहिं सरीरा॥
Roman transliteration · उच्चारण
biraha agini tanu tūla samīrā| svāsa jarai chana māhiṃ sarīrā||
Chaupai 277
नयन स्रवहिं जलु निज हित लागी। जरैं न पाव देह बिरहागी॥
Roman transliteration · उच्चारण
nayana sravahiṃ jalu nija hita lāgī| jaraiṃ na pāva deha birahāgī||
Chaupai 278
सीता कै अति बिपति बिसाला। बिनहिं कहें भलि दीनदयाला॥
Roman transliteration · उच्चारण
sītā kai ati bipati bisālā| binahiṃ kaheṃ bhali dīnadayālā||
Doha/Soratha 31
निमिष निमिष करुनानिधि जाहिं कलप सम बीति, बेगि चलिअ प्रभु आनिअ भुज बल खल दल जीति।
Roman transliteration · उच्चारण
nimiṣa nimiṣa karunānidhi jāhiṃ kalapa sama bīti, begi calia prabhu ānia bhuja bala khala dala jīti|
Chaupai 279
सुनि सीता दुख प्रभु सुख अयना। भरि आए जल राजिव नयना॥
Roman transliteration · उच्चारण
suni sītā dukha prabhu sukha ayanā| bhari āe jala rājiva nayanā||
Chaupai 280
बचन कायँ मन मम गति जाही। सपनेहुँ बूझिअ बिपति कि ताही॥
Roman transliteration · उच्चारण
bacana kāyam̐ mana mama gati jāhī| sapanehum̐ būjhia bipati ki tāhī||
Chaupai 281
कह हनुमंत बिपति प्रभु सोई। जब तव सुमिरन भजन न होई॥
Roman transliteration · उच्चारण
kaha hanumaṃta bipati prabhu soī| jaba tava sumirana bhajana na hoī||
Chaupai 282
केतिक बात प्रभु जातुधान की। रिपुहि जीति आनिबी जानकी॥
Roman transliteration · उच्चारण
ketika bāta prabhu jātudhāna kī| ripuhi jīti ānibī jānakī||
Chaupai 283
सुनु कपि तोहि समान उपकारी। नहिं कोउ सुर नर मुनि तनुधारी॥
Roman transliteration · उच्चारण
sunu kapi tohi samāna upakārī| nahiṃ kou sura nara muni tanudhārī||
Chaupai 284
प्रति उपकार करौं का तोरा। सनमुख होइ न सकत मन मोरा॥
Roman transliteration · उच्चारण
prati upakāra karauṃ kā torā| sanamukha hoi na sakata mana morā||
Chaupai 285
सुनु सुत तोहि उरिन मैं नाहीं। देखेउँ करि बिचार मन माहीं॥
Roman transliteration · उच्चारण
sunu suta tohi urina maiṃ nāhīṃ| dekheum̐ kari bicāra mana māhīṃ||
Chaupai 286
पुनि पुनि कपिहि चितव सुरत्राता। लोचन नीर पुलक अति गाता॥
Roman transliteration · उच्चारण
puni puni kapihi citava suratrātā| locana nīra pulaka ati gātā||
Doha/Soratha 32
सुनि प्रभु बचन बिलोकि मुख गात हरषि हनुमंत, चरन परेउ प्रेमाकुल त्राहि त्राहि भगवंत।
Roman transliteration · उच्चारण
suni prabhu bacana biloki mukha gāta haraṣi hanumaṃta, carana pareu premākula trāhi trāhi bhagavaṃta|
Chaupai 287
बार बार प्रभु चहइ उठावा। प्रेम मगन तेहि उठब न भावा॥
Roman transliteration · उच्चारण
bāra bāra prabhu cahai uṭhāvā| prema magana tehi uṭhaba na bhāvā||
Chaupai 288
प्रभु कर पंकज कपि कें सीसा। सुमिरि सो दसा मगन गौरीसा॥
Roman transliteration · उच्चारण
prabhu kara paṃkaja kapi keṃ sīsā| sumiri so dasā magana gaurīsā||
Chaupai 289
सावधान मन करि पुनि संकर। लागे कहन कथा अति सुंदर॥
Roman transliteration · उच्चारण
sāvadhāna mana kari puni saṃkara| lāge kahana kathā ati suṃdara||
Chaupai 290
कपि उठाई प्रभु हृदयँ लगावा। कर गहि परम निकट बैठावा॥
Roman transliteration · उच्चारण
kapi uṭhāī prabhu hṛdayam̐ lagāvā| kara gahi parama nikaṭa baiṭhāvā||
Chaupai 291
कहु कपि रावन पालित लंका। केहि बिधि दहेउ दुर्ग अति बंका॥
Roman transliteration · उच्चारण
kahu kapi rāvana pālita laṃkā| kehi bidhi daheu durga ati baṃkā||
Chaupai 292
प्रभु प्रसन्न जाना हनुमाना। बोला बचन बिगत अभिमाना॥
Roman transliteration · उच्चारण
prabhu prasanna jānā hanumānā| bolā bacana bigata abhimānā||
Chaupai 293
साखामग कै बड़ि मनुसाई। साखा तें साखा पर जाई॥
Roman transliteration · उच्चारण
sākhāmaga kai baḍaि manusāī| sākhā teṃ sākhā para jāī||
Chaupai 294
नाघि सिंधु हाटकपुर जारा। निसिचर गन बधि बिपिन उजारा॥
Roman transliteration · उच्चारण
nāghi siṃdhu hāṭakapura jārā| nisicara gana badhi bipina ujārā||
Chaupai 295
सो सब तव प्रताप रघुराई। नाथ न कछू मोरि प्रभुताई॥
Roman transliteration · उच्चारण
so saba tava pratāpa raghurāī| nātha na kachū mori prabhutāī||
Doha/Soratha 33
ता कहुँ प्रभु कछु अगम नहिं जा पर तुम्ह अनुकूल, तव प्रभावँ बड़वानलहि जारि सकइ खलु तूल।
Roman transliteration · उच्चारण
tā kahum̐ prabhu kachu agama nahiṃ jā para tumha anukūla, tava prabhāvam̐ baḍavānalahi jāri sakai khalu tūla|
Chaupai 296
नाथ भगति अति सुखदायनी। देहु कृपा करि अनपायनी॥
Roman transliteration · उच्चारण
nātha bhagati ati sukhadāyanī| dehu kṛpā kari anapāyanī||
Chaupai 297
सुनि प्रभु परम सरल कपि बानी। एवमस्तु तब कहेउ भवानी॥
Roman transliteration · उच्चारण
suni prabhu parama sarala kapi bānī| evamastu taba kaheu bhavānī||
Chaupai 298
उमा राम सुभाउ जेहिं जाना। ताहि भजनु तजि भाव न आना॥
Roman transliteration · उच्चारण
umā rāma subhāu jehiṃ jānā| tāhi bhajanu taji bhāva na ānā||
Chaupai 299
यह संबाद जासु उर आवा। रघुपति चरन भगति सोइ पावा॥
Roman transliteration · उच्चारण
yaha saṃbāda jāsu ura āvā| raghupati carana bhagati soi pāvā||
Chaupai 300
सुनि प्रभु बचन कहहिं कपि बृंदा। जय जय जय कृपाल सुखकंदा॥
Roman transliteration · उच्चारण
suni prabhu bacana kahahiṃ kapi bṛṃdā| jaya jaya jaya kṛpāla sukhakaṃdā||
Chaupai 301
तब रघुपति कपिपतिहि बोलावा। कहा चलैं कर करहु बनावा॥
Roman transliteration · उच्चारण
taba raghupati kapipatihi bolāvā| kahā calaiṃ kara karahu banāvā||
Chaupai 302
अब बिलंबु केह कारन कीजे। तुरंत कपिन्ह कहँ आयसु दीजे॥
Roman transliteration · उच्चारण
aba bilaṃbu keha kārana kīje| turaṃta kapinha kaham̐ āyasu dīje||
Chaupai 303
कौतुक देखि सुमन बहु बरषी। नभ तें भवन चले सुर हरषी॥
Roman transliteration · उच्चारण
kautuka dekhi sumana bahu baraṣī| nabha teṃ bhavana cale sura haraṣī||
Doha/Soratha 34
कपिपति बेगि बोलाए आए जूथप जूथ, नाना बरन अतुल बल बानर भालु बरूथ।
Roman transliteration · उच्चारण
kapipati begi bolāe āe jūthapa jūtha, nānā barana atula bala bānara bhālu barūtha|
Chaupai 304
प्रभु पद पंकज नावहिं सीसा। गर्जहिं भालु महाबल कीसा॥
Roman transliteration · उच्चारण
prabhu pada paṃkaja nāvahiṃ sīsā| garjahiṃ bhālu mahābala kīsā||
Chaupai 305
देखी राम सकल कपि सेना। चितइ कृपा करि राजिव नैना॥
Roman transliteration · उच्चारण
dekhī rāma sakala kapi senā| citai kṛpā kari rājiva nainā||
Chaupai 306
राम कृपा बल पाइ कपिंदा। भए पच्छजुत मनहुँ गिरिंदा॥
Roman transliteration · उच्चारण
rāma kṛpā bala pāi kapiṃdā| bhae pacchajuta manahum̐ giriṃdā||
Chaupai 307
हरषि राम तब कीन्ह पयाना। सगुन भए सुंदर सुभ नाना॥
Roman transliteration · उच्चारण
haraṣi rāma taba kīnha payānā| saguna bhae suṃdara subha nānā||
Chaupai 308
जासु सकल मंगलमय कीती। तासु पयान सगुन यह नीती॥
Roman transliteration · उच्चारण
jāsu sakala maṃgalamaya kītī| tāsu payāna saguna yaha nītī||
Chaupai 309
प्रभु पयान जाना बैदेहीं। फरकि बाम अँग जनु कहि देहीं॥
Roman transliteration · उच्चारण
prabhu payāna jānā baidehīṃ| pharaki bāma am̐ga janu kahi dehīṃ||
Chaupai 310
जोइ जोइ सगुन जानकिहि होई। असगुन भयउ रावनहिं सोई॥
Roman transliteration · उच्चारण
joi joi saguna jānakihi hoī| asaguna bhayau rāvanahiṃ soī||
Chaupai 311
चला कटकु को बरनैं पारा। गर्जहिं बानर भालु अपारा॥
Roman transliteration · उच्चारण
calā kaṭaku ko baranaiṃ pārā| garjahiṃ bānara bhālu apārā||
Chaupai 312
नख आयुध गिरि पादपधारी। चले गगन महि इच्छाचारी॥
Roman transliteration · उच्चारण
nakha āyudha giri pādapadhārī| cale gagana mahi icchācārī||
Chaupai 313
केहरिनाद भालु कपि करहीं। डगमगाहिं दिग्गज चिक्करहीं॥
Roman transliteration · उच्चारण
keharināda bhālu kapi karahīṃ| ḍagamagāhiṃ diggaja cikkarahīṃ||
Chhand 4
चिक्करहिं दिग्गज डोल महि गिरि लोल सागर खरभरे, मन हरष सभ गंधर्ब सुर मुनि नाग किंनर दुख टरे। कटकटहिं मर्कट बिकट भट बहु कोटि कोटिन्ह धावहीं, जय राम प्रबल प्रताप कोसलनाथ गुन गन गावहीं॥१॥
Roman transliteration · उच्चारण
cikkarahiṃ diggaja ḍola mahi giri lola sāgara kharabhare, mana haraṣa sabha gaṃdharba sura muni nāga kiṃnara dukha ṭare| kaṭakaṭahiṃ markaṭa bikaṭa bhaṭa bahu koṭi koṭinha dhāvahīṃ, jaya rāma prabala pratāpa kosalanātha guna gana gāvahīṃ||1||
Chhand 5
सहि सक न भार उदार अहिपति बार बारहिं मोहई, गह दसन पुनि पुनि कमठ पृष्ठ कठोर सो किमि सोहई। रघुबीर रुचिर प्रयान प्रस्थिति जानि परम सुहावनी, जनु कमठ खर्पर सर्पराज सो लिखत अबिचल पावनी॥२॥
Roman transliteration · उच्चारण
sahi saka na bhāra udāra ahipati bāra bārahiṃ mohaī, gaha dasana puni puni kamaṭha pṛṣṭha kaṭhora so kimi sohaī| raghubīra rucira prayāna prasthiti jāni parama suhāvanī, janu kamaṭha kharpara sarparāja so likhata abicala pāvanī||2||
Doha/Soratha 35
एहि बिधि जाइ कृपानिधि उतरे सागर तीर, जहँ तहँ लागे खान फल भालु बिपुल कपि बीर।
Roman transliteration · उच्चारण
ehi bidhi jāi kṛpānidhi utare sāgara tīra, jaham̐ taham̐ lāge khāna phala bhālu bipula kapi bīra|
Chaupai 314
उहाँ निसाचर रहहिं ससंका। जब तें जारि गयउ कपि लंका॥
Roman transliteration · उच्चारण
uhām̐ nisācara rahahiṃ sasaṃkā| jaba teṃ jāri gayau kapi laṃkā||
Chaupai 315
निज निज गृहँ सब करहिं बिचारा। नहिं निसिचर कुल केर उबारा॥
Roman transliteration · उच्चारण
nija nija gṛham̐ saba karahiṃ bicārā| nahiṃ nisicara kula kera ubārā||
Chaupai 316
जासु दूत बल बरनि न जाई। तेहि आएँ पुर कवन भलाई॥
Roman transliteration · उच्चारण
jāsu dūta bala barani na jāī| tehi āem̐ pura kavana bhalāī||
Chaupai 317
दूतिन्ह सन सुनि पुरजन बानी। मंदोदरी अधिक अकुलानी॥
Roman transliteration · उच्चारण
dūtinha sana suni purajana bānī| maṃdodarī adhika akulānī||
Chaupai 318
रहसि जोरि कर पति पग लागी। बोली बचन नीति रस पागी॥
Roman transliteration · उच्चारण
rahasi jori kara pati paga lāgī| bolī bacana nīti rasa pāgī||
Chaupai 319
कंत करष हरि सन परिहरहू। मोर कहा अति हित हियँ धरहू॥
Roman transliteration · उच्चारण
kaṃta karaṣa hari sana pariharahū| mora kahā ati hita hiyam̐ dharahū||
Chaupai 320
समुझत जासु दूत कइ करनी। स्रवहिं गर्भ रजनीचर घरनी॥
Roman transliteration · उच्चारण
samujhata jāsu dūta kai karanī| sravahiṃ garbha rajanīcara gharanī||
Chaupai 321
तासु नारि निज सचिव बोलाई। पठवहु कंत जो चहहु भलाई॥
Roman transliteration · उच्चारण
tāsu nāri nija saciva bolāī| paṭhavahu kaṃta jo cahahu bhalāī||
Chaupai 322
तव कुल कमल बिपिन दुखदाई। सीता सीत निसा सम आई॥
Roman transliteration · उच्चारण
tava kula kamala bipina dukhadāī| sītā sīta nisā sama āī||
Chaupai 323
सुनहु नाथ सीता बिनु दीन्हें। हित न तुम्हार संभु अज कीन्हें॥
Roman transliteration · उच्चारण
sunahu nātha sītā binu dīnheṃ| hita na tumhāra saṃbhu aja kīnheṃ||
Doha/Soratha 36
राम बान अहि गन सरिस निकर निसाचर भेक, जब लगि ग्रसत न तब लगि जतनु करहु तजि टेक।
Roman transliteration · उच्चारण
rāma bāna ahi gana sarisa nikara nisācara bheka, jaba lagi grasata na taba lagi jatanu karahu taji ṭeka|
Chaupai 324
श्रवन सुनी सठ ता करि बानी। बिहसा जगत बिदित अभिमानी॥
Roman transliteration · उच्चारण
śravana sunī saṭha tā kari bānī| bihasā jagata bidita abhimānī||
Chaupai 325
सभय सुभाउ नारि कर साचा। मंगल महुँ भय मन अति काचा॥
Roman transliteration · उच्चारण
sabhaya subhāu nāri kara sācā| maṃgala mahum̐ bhaya mana ati kācā||
Chaupai 326
जौं आवइ मर्कट कटकाई। जिअहिं बिचारे निसिचर खाई॥
Roman transliteration · उच्चारण
jauṃ āvai markaṭa kaṭakāī| jiahiṃ bicāre nisicara khāī||
Chaupai 327
कंपहिं लोकप जाकीं त्रासा। तासु नारि सभीत बड़ि हासा॥
Roman transliteration · उच्चारण
kaṃpahiṃ lokapa jākīṃ trāsā| tāsu nāri sabhīta baḍaि hāsā||
Chaupai 328
अस कहि बिहसि ताहि उर लाई। चलेउ सभाँ ममता अधिकाई॥
Roman transliteration · उच्चारण
asa kahi bihasi tāhi ura lāī| caleu sabhām̐ mamatā adhikāī||
Chaupai 329
मंदोदरी हृदयँ कर चिंता। भयउ कंत पर बिधि बिपरीता॥
Roman transliteration · उच्चारण
maṃdodarī hṛdayam̐ kara ciṃtā| bhayau kaṃta para bidhi biparītā||
Chaupai 330
बैठेउ सभाँ खबरि असि पाई। सिंधु पार सेना सब आई॥
Roman transliteration · उच्चारण
baiṭheu sabhām̐ khabari asi pāī| siṃdhu pāra senā saba āī||
Chaupai 331
बूझेसि सचिव उचित मत कहहू। ते सब हँसे मष्ट करि रहहू॥
Roman transliteration · उच्चारण
būjhesi saciva ucita mata kahahū| te saba ham̐se maṣṭa kari rahahū||
Chaupai 332
जितेहु सुरासुर तब श्रम नाहीं। नर बानर केहि लेखे माहीं॥
Roman transliteration · उच्चारण
jitehu surāsura taba śrama nāhīṃ| nara bānara kehi lekhe māhīṃ||
Doha/Soratha 37
सचिव बैद गुर तीनि जौं प्रिय बोलहिं भय आस, राज धर्म तन तीनि कर होइ बेगिहीं नास।
Roman transliteration · उच्चारण
saciva baida gura tīni jauṃ priya bolahiṃ bhaya āsa, rāja dharma tana tīni kara hoi begihīṃ nāsa|
Chaupai 333
सोइ रावन कहुँ बनी सहाई। अस्तुति करहिं सुनाइ सुनाई॥
Roman transliteration · उच्चारण
soi rāvana kahum̐ banī sahāī| astuti karahiṃ sunāi sunāī||
Chaupai 334
अवसर जानि बिभीषनु आवा। भ्राता चरन सीसु तेहिं नावा॥
Roman transliteration · उच्चारण
avasara jāni bibhīṣanu āvā| bhrātā carana sīsu tehiṃ nāvā||
Chaupai 335
पुनि सिरु नाइ बैठ निज आसन। बोला बचन पाइ अनुसासन॥
Roman transliteration · उच्चारण
puni siru nāi baiṭha nija āsana| bolā bacana pāi anusāsana||
Chaupai 336
जौ कृपाल पूँछिहु मोहि बाता। मति अनुरूप कहउँ हित ताता॥
Roman transliteration · उच्चारण
jau kṛpāla pūm̐chihu mohi bātā| mati anurūpa kahaum̐ hita tātā||
Chaupai 337
जो आपन चाहै कल्याना। सुजसु सुमति सुभ गति सुख नाना॥
Roman transliteration · उच्चारण
jo āpana cāhai kalyānā| sujasu sumati subha gati sukha nānā||
Chaupai 338
सो परनारि लिलार गोसाईं। तजउ चउथि के चंद कि नाईं॥
Roman transliteration · उच्चारण
so paranāri lilāra gosāīṃ| tajau cauthi ke caṃda ki nāīṃ||
Chaupai 339
चौदह भुवन एक पति होई। भूत द्रोह तिष्टइ नहिं सोई॥
Roman transliteration · उच्चारण
caudaha bhuvana eka pati hoī| bhūta droha tiṣṭai nahiṃ soī||
Chaupai 340
गुन सागर नागर नर जोऊ। अलप लोभ भल कहइ न कोऊ॥
Roman transliteration · उच्चारण
guna sāgara nāgara nara joū| alapa lobha bhala kahai na koū||
Doha/Soratha 38
काम क्रोध मद लोभ सब नाथ नरक के पंथ, सब परिहरि रघुबीरहि भजहु भजहिं जेहि संत।
Roman transliteration · उच्चारण
kāma krodha mada lobha saba nātha naraka ke paṃtha, saba parihari raghubīrahi bhajahu bhajahiṃ jehi saṃta|
Chaupai 341
तात राम नहिं नर भूपाला। भुवनेस्वर कालहु कर काला॥
Roman transliteration · उच्चारण
tāta rāma nahiṃ nara bhūpālā| bhuvanesvara kālahu kara kālā||
Chaupai 342
ब्रह्म अनामय अज भगवंता। ब्यापक अजित अनादि अनंता॥
Roman transliteration · उच्चारण
brahma anāmaya aja bhagavaṃtā| byāpaka ajita anādi anaṃtā||
Chaupai 343
गो द्विज धेनु देव हितकारी। कृपा सिंधु मानुष तनुधारी॥
Roman transliteration · उच्चारण
go dvija dhenu deva hitakārī| kṛpā siṃdhu mānuṣa tanudhārī||
Chaupai 344
जन रंजन भंजन खल ब्राता। बेद धर्म रच्छक सुनु भ्राता॥
Roman transliteration · उच्चारण
jana raṃjana bhaṃjana khala brātā| beda dharma racchaka sunu bhrātā||
Chaupai 345
ताहि बयरु तजि नाइअ माथा। प्रनतारति भंजन रघुनाथा॥
Roman transliteration · उच्चारण
tāhi bayaru taji nāia māthā| pranatārati bhaṃjana raghunāthā||
Chaupai 346
देहु नाथ प्रभु कहुँ बैदेही। भजहु राम बिनु हेतु सनेही॥
Roman transliteration · उच्चारण
dehu nātha prabhu kahum̐ baidehī| bhajahu rāma binu hetu sanehī||
Chaupai 347
सरन गएँ प्रभु ताहु न त्यागा। बिस्व द्रोह कृत अघ जेहि लागा॥
Roman transliteration · उच्चारण
sarana gaem̐ prabhu tāhu na tyāgā| bisva droha kṛta agha jehi lāgā||
Chaupai 348
जासु नाम त्रय ताप नसावन। सोइ प्रभु प्रगट समुझु जियँ रावन॥
Roman transliteration · उच्चारण
jāsu nāma traya tāpa nasāvana| soi prabhu pragaṭa samujhu jiyam̐ rāvana||
Doha/Soratha 39 (ka)
बार बार पद लागउँ बिनय करउँ दससीस, परिहरि मान मोह मद भजहु कोसलाधीस॥(क)।
Roman transliteration · उच्चारण
bāra bāra pada lāgaum̐ binaya karaum̐ dasasīsa, parihari māna moha mada bhajahu kosalādhīsa||(ka)|
Doha/Soratha 39 (kha)
मुनि पुलस्ति निज सिष्य सन कहि पठई यह बात, तुरत सो मैं प्रभु सन कही पाइ सुअवसरु तात॥(ख)॥
Roman transliteration · उच्चारण
muni pulasti nija siṣya sana kahi paṭhaī yaha bāta, turata so maiṃ prabhu sana kahī pāi suavasaru tāta||(kha)||
Chaupai 349
माल्यवंत अति सचिव सयाना। तासु बचन सुनि अति सुख माना॥
Roman transliteration · उच्चारण
mālyavaṃta ati saciva sayānā| tāsu bacana suni ati sukha mānā||
Chaupai 350
तात अनुज तव नीति बिभूषन। सो उर धरहु जो कहत बिभीषन॥
Roman transliteration · उच्चारण
tāta anuja tava nīti bibhūṣana| so ura dharahu jo kahata bibhīṣana||
Chaupai 351
रिपु उतकरष कहत सठ दोऊ। दूरि न करहु इहाँ हइ कोऊ॥
Roman transliteration · उच्चारण
ripu utakaraṣa kahata saṭha doū| dūri na karahu ihām̐ hai koū||
Chaupai 352
माल्यवंत गह गयउ बहोरी। कहइ बिभीषनु पुनि कर जोरी॥
Roman transliteration · उच्चारण
mālyavaṃta gaha gayau bahorī| kahai bibhīṣanu puni kara jorī||
Chaupai 353
सुमति कुमति सब कें उर रहहीं। नाथ पुरान निगम अस कहहीं॥
Roman transliteration · उच्चारण
sumati kumati saba keṃ ura rahahīṃ| nātha purāna nigama asa kahahīṃ||
Chaupai 354
जहाँ सुमति तहँ संपति नाना। जहाँ कुमति तहँ बिपति निदाना॥
Roman transliteration · उच्चारण
jahām̐ sumati taham̐ saṃpati nānā| jahām̐ kumati taham̐ bipati nidānā||
Chaupai 355
तव उर कुमति बसी बिपरीता। हित अनहित मानहु रिपु प्रीता॥
Roman transliteration · उच्चारण
tava ura kumati basī biparītā| hita anahita mānahu ripu prītā||
Chaupai 356
कालराति निसिचर कुल केरी। तेहि सीता पर प्रीति घनेरी॥
Roman transliteration · उच्चारण
kālarāti nisicara kula kerī| tehi sītā para prīti ghanerī||
Doha/Soratha 40
तात चरन गहि मागउँ राखहु मोर दुलार, सीता देहु राम कहुँ अहित न होइ तुम्हारा।
Roman transliteration · उच्चारण
tāta carana gahi māgaum̐ rākhahu mora dulāra, sītā dehu rāma kahum̐ ahita na hoi tumhārā|
Chaupai 357
बुध पुरान श्रुति संमत बानी। कही बिभीषन नीति बखानी॥
Roman transliteration · उच्चारण
budha purāna śruti saṃmata bānī| kahī bibhīṣana nīti bakhānī||
Chaupai 358
सुनत दसानन उठा रिसाई। खल तोहिं निकट मृत्यु अब आई॥
Roman transliteration · उच्चारण
sunata dasānana uṭhā risāī| khala tohiṃ nikaṭa mṛtyu aba āī||
Chaupai 359
जिअसि सदा सठ मोर जिआवा। रिपु कर पच्छ मूढ़ तोहि भावा॥
Roman transliteration · उच्चारण
jiasi sadā saṭha mora jiāvā| ripu kara paccha mūḍha tohi bhāvā||
Chaupai 360
कहसि न खल अस को जग माहीं। भुज बल जाहि जिता मैं नाहीं॥
Roman transliteration · उच्चारण
kahasi na khala asa ko jaga māhīṃ| bhuja bala jāhi jitā maiṃ nāhīṃ||
Chaupai 361
मम पुर बसि तपसिन्ह पर प्रीती। सठ मिलु जाइ तिन्हहि कहु नीती॥
Roman transliteration · उच्चारण
mama pura basi tapasinha para prītī| saṭha milu jāi tinhahi kahu nītī||
Chaupai 362
अस कहि कीन्हेसि चरन प्रहारा। अनुज गहे पद बारहिं बारा॥
Roman transliteration · उच्चारण
asa kahi kīnhesi carana prahārā| anuja gahe pada bārahiṃ bārā||
Chaupai 363
उमा संत कइ इहइ बड़ाई। मंद करत जो करइ भलाई॥
Roman transliteration · उच्चारण
umā saṃta kai ihai baḍaाī| maṃda karata jo karai bhalāī||
Chaupai 364
तुम्ह पितु सरिस भलेहिं मोहि मारा। रामु भजें हित नाथ तुम्हारा॥
Roman transliteration · उच्चारण
tumha pitu sarisa bhalehiṃ mohi mārā| rāmu bhajeṃ hita nātha tumhārā||
Chaupai 365
सचिव संग लै नभ पथ गयऊ। सबहि सुनाइ कहत अस भयऊ॥
Roman transliteration · उच्चारण
saciva saṃga lai nabha patha gayaū| sabahi sunāi kahata asa bhayaū||
Doha/Soratha 41
रामु सत्यसंकल्प प्रभु सभा कालबस तोरि, मैं रघुबीर सरन अब जाउँ देहु जनि खोरि।
Roman transliteration · उच्चारण
rāmu satyasaṃkalpa prabhu sabhā kālabasa tori, maiṃ raghubīra sarana aba jāum̐ dehu jani khori|
Chaupai 366
अस कहि चला बिभीषनु जबहीं। आयू हीन भए सब तबहीं॥
Roman transliteration · उच्चारण
asa kahi calā bibhīṣanu jabahīṃ| āyū hīna bhae saba tabahīṃ||
Chaupai 367
साधु अवग्या तुरत भवानी। कर कल्यान अखिल कै हानी॥
Roman transliteration · उच्चारण
sādhu avagyā turata bhavānī| kara kalyāna akhila kai hānī||
Chaupai 368
रावन जबहिं बिभीषन त्यागा। भयउ बिभव बिनु तबहिं अभागा॥
Roman transliteration · उच्चारण
rāvana jabahiṃ bibhīṣana tyāgā| bhayau bibhava binu tabahiṃ abhāgā||
Chaupai 369
चलेउ हरषि रघुनायक पाहीं। करत मनोरथ बहु मन माहीं॥
Roman transliteration · उच्चारण
caleu haraṣi raghunāyaka pāhīṃ| karata manoratha bahu mana māhīṃ||
Chaupai 370
देखिहउँ जाइ चरन जलजाता। अरुन मृदुल सेवक सुखदाता॥
Roman transliteration · उच्चारण
dekhihaum̐ jāi carana jalajātā| aruna mṛdula sevaka sukhadātā||
Chaupai 371
जे पद परसि तरी रिषनारी। दंडक कानन पावनकारी॥
Roman transliteration · उच्चारण
je pada parasi tarī riṣanārī| daṃḍaka kānana pāvanakārī||
Chaupai 372
जे पद जनकसुताँ उर लाए। कपट कुरंग संग धर धाए॥
Roman transliteration · उच्चारण
je pada janakasutām̐ ura lāe| kapaṭa kuraṃga saṃga dhara dhāe||
Chaupai 373
हर उर सर सरोज पद जेई। अहोभाग्य मैं देखिहउँ तेई॥
Roman transliteration · उच्चारण
hara ura sara saroja pada jeī| ahobhāgya maiṃ dekhihaum̐ teī||
Doha/Soratha 42
जिन्ह पायन्ह के पादुकन्हि भरतु रहे मन लाइ, ते पद आजु बिलोकिहउँ इन्ह नयनन्हि अब जाइ।
Roman transliteration · उच्चारण
jinha pāyanha ke pādukanhi bharatu rahe mana lāi, te pada āju bilokihaum̐ inha nayananhi aba jāi|
Chaupai 374
ऐहि बिधि करत सप्रेम बिचारा। आयउ सपदि सिंदु एहिं पारा॥
Roman transliteration · उच्चारण
aihi bidhi karata saprema bicārā| āyau sapadi siṃdu ehiṃ pārā||
Chaupai 375
कपिन्ह बिभीषनु आवत देखा। जाना कोउ रिपु दूत बिसेषा॥
Roman transliteration · उच्चारण
kapinha bibhīṣanu āvata dekhā| jānā kou ripu dūta biseṣā||
Chaupai 376
ताहि राखि कपीस पहिं आए। समाचार सब ताहि सुनाए॥
Roman transliteration · उच्चारण
tāhi rākhi kapīsa pahiṃ āe| samācāra saba tāhi sunāe||
Chaupai 377
कह सुग्रीव सुनहु रघुराई। आवा मिलन दसानन भाई॥
Roman transliteration · उच्चारण
kaha sugrīva sunahu raghurāī| āvā milana dasānana bhāī||
Chaupai 378
कह प्रभु सखा बूझिए काहा। कहइ कपीस सुनहु नरनाहा॥
Roman transliteration · उच्चारण
kaha prabhu sakhā būjhie kāhā| kahai kapīsa sunahu naranāhā||
Chaupai 379
जानि न जाइ निसाचर माया। कामरूप केहि कारन आया॥
Roman transliteration · उच्चारण
jāni na jāi nisācara māyā| kāmarūpa kehi kārana āyā||
Chaupai 380
भेद हमार लेन सठ आवा। राखिअ बाँधि मोहि अस भावा॥
Roman transliteration · उच्चारण
bheda hamāra lena saṭha āvā| rākhia bām̐dhi mohi asa bhāvā||
Chaupai 381
सखा नीति तुम्ह नीकि बिचारी। मम पन सरनागत भयहारी॥
Roman transliteration · उच्चारण
sakhā nīti tumha nīki bicārī| mama pana saranāgata bhayahārī||
Chaupai 382
सुनि प्रभु बचन हरष हनुमाना। सरनागत बच्छल भगवाना॥
Roman transliteration · उच्चारण
suni prabhu bacana haraṣa hanumānā| saranāgata bacchala bhagavānā||
Doha/Soratha 43
सरनागत कहुँ जे तजहिं निज अनहित अनुमानि, ते नर पावँर पापमय तिन्हहि बिलोकत हानि।
Roman transliteration · उच्चारण
saranāgata kahum̐ je tajahiṃ nija anahita anumāni, te nara pāvam̐ra pāpamaya tinhahi bilokata hāni|
Chaupai 383
कोटि बिप्र बध लागहिं जाहू। आएँ सरन तजउँ नहिं ताहू॥
Roman transliteration · उच्चारण
koṭi bipra badha lāgahiṃ jāhū| āem̐ sarana tajaum̐ nahiṃ tāhū||
Chaupai 384
सनमुख होइ जीव मोहि जबहीं। जन्म कोटि अघ नासहिं तबहीं॥
Roman transliteration · उच्चारण
sanamukha hoi jīva mohi jabahīṃ| janma koṭi agha nāsahiṃ tabahīṃ||
Chaupai 385
पापवंत कर सहज सुभाऊ। भजनु मोर तेहि भाव न काऊ॥
Roman transliteration · उच्चारण
pāpavaṃta kara sahaja subhāū| bhajanu mora tehi bhāva na kāū||
Chaupai 386
जौं पै दुष्ट हृदय सोइ होई। मोरें सनमुख आव कि सोई॥
Roman transliteration · उच्चारण
jauṃ pai duṣṭa hṛdaya soi hoī| moreṃ sanamukha āva ki soī||
Chaupai 387
निर्मल मन जन सो मोहि पावा। मोहि कपट छल छिद्र न भावा॥
Roman transliteration · उच्चारण
nirmala mana jana so mohi pāvā| mohi kapaṭa chala chidra na bhāvā||
Chaupai 388
भेद लेन पठवा दससीसा। तबहुँ न कछु भय हानि कपीसा॥
Roman transliteration · उच्चारण
bheda lena paṭhavā dasasīsā| tabahum̐ na kachu bhaya hāni kapīsā||
Chaupai 389
जग महुँ सखा निसाचर जेते। लछिमनु हनइ निमिष महुँ तेते॥
Roman transliteration · उच्चारण
jaga mahum̐ sakhā nisācara jete| lachimanu hanai nimiṣa mahum̐ tete||
Chaupai 390
जौं सभीत आवा सरनाईं। रखिहउँ ताहि प्रान की नाईं॥
Roman transliteration · उच्चारण
jauṃ sabhīta āvā saranāīṃ| rakhihaum̐ tāhi prāna kī nāīṃ||
Doha/Soratha 44
उभय भाँति तेहि आनहु हँसि कह कृपानिकेत, जय कृपाल कहि कपि चले अंगद हनू समेत।
Roman transliteration · उच्चारण
ubhaya bhām̐ti tehi ānahu ham̐si kaha kṛpāniketa, jaya kṛpāla kahi kapi cale aṃgada hanū sameta|
Chaupai 391
सादर तेहि आगें करि बानर। चले जहाँ रघुपति करुनाकर॥
Roman transliteration · उच्चारण
sādara tehi āgeṃ kari bānara| cale jahām̐ raghupati karunākara||
Chaupai 392
दूरिहि ते देखे द्वौ भ्राता। नयनानंद दान के दाता॥
Roman transliteration · उच्चारण
dūrihi te dekhe dvau bhrātā| nayanānaṃda dāna ke dātā||
Chaupai 393
बहुरि राम छबिधाम बिलोकी। रहेउ ठटुकि एकटक पल रोकी॥
Roman transliteration · उच्चारण
bahuri rāma chabidhāma bilokī| raheu ṭhaṭuki ekaṭaka pala rokī||
Chaupai 394
भुज प्रलंब कंजारुन लोचन। स्यामल गात प्रनत भय मोचन॥
Roman transliteration · उच्चारण
bhuja pralaṃba kaṃjāruna locana| syāmala gāta pranata bhaya mocana||
Chaupai 395
सघ कंध आयत उर सोहा। आनन अमित मदन मन मोहा॥
Roman transliteration · उच्चारण
sagha kaṃdha āyata ura sohā| ānana amita madana mana mohā||
Chaupai 396
नयन नीर पुलकित अति गाता। मन धरि धीर कही मृदु बाता॥
Roman transliteration · उच्चारण
nayana nīra pulakita ati gātā| mana dhari dhīra kahī mṛdu bātā||
Chaupai 397
नाथ दसानन कर मैं भ्राता। निसिचर बंस जनम सुरत्राता॥
Roman transliteration · उच्चारण
nātha dasānana kara maiṃ bhrātā| nisicara baṃsa janama suratrātā||
Chaupai 398
सहज पापप्रिय तामस देहा। जथा उलूकहि तम पर नेहा॥
Roman transliteration · उच्चारण
sahaja pāpapriya tāmasa dehā| jathā ulūkahi tama para nehā||
Doha/Soratha 45
श्रवन सुजसु सुनि आयउँ प्रभु भंजन भव भीर, त्राहि त्राहि आरति हरन सरन सुखद रघुबीर।
Roman transliteration · उच्चारण
śravana sujasu suni āyaum̐ prabhu bhaṃjana bhava bhīra, trāhi trāhi ārati harana sarana sukhada raghubīra|
Chaupai 399
अस कहि करत दंडवत देखा। तुरत उठे प्रभु हरष बिसेषा॥
Roman transliteration · उच्चारण
asa kahi karata daṃḍavata dekhā| turata uṭhe prabhu haraṣa biseṣā||
Chaupai 400
दीन बचन सुनि प्रभु मन भावा। भुज बिसाल गहि हृदयँ लगावा॥
Roman transliteration · उच्चारण
dīna bacana suni prabhu mana bhāvā| bhuja bisāla gahi hṛdayam̐ lagāvā||
Chaupai 401
अनुज सहित मिलि ढिग बैठारी। बोले बचन भगत भय हारी॥
Roman transliteration · उच्चारण
anuja sahita mili ḍhiga baiṭhārī| bole bacana bhagata bhaya hārī||
Chaupai 402
कहु लंकेस सहित परिवारा। कुसल कुठाहर बास तुम्हारा॥
Roman transliteration · उच्चारण
kahu laṃkesa sahita parivārā| kusala kuṭhāhara bāsa tumhārā||
Chaupai 403
खल मंडली बसहु दिनु राती। सखा धरम निबहइ केहि भाँती॥
Roman transliteration · उच्चारण
khala maṃḍalī basahu dinu rātī| sakhā dharama nibahai kehi bhām̐tī||
Chaupai 404
मैं जानउँ तुम्हारि सब रीती। अति नय निपुन न भाव अनीती॥
Roman transliteration · उच्चारण
maiṃ jānaum̐ tumhāri saba rītī| ati naya nipuna na bhāva anītī||
Chaupai 405
बरु भल बास नरक कर ताता। दुष्ट संग जनि देइ बिधाता॥
Roman transliteration · उच्चारण
baru bhala bāsa naraka kara tātā| duṣṭa saṃga jani dei bidhātā||
Chaupai 406
अब पद देखि कुसल रघुराया। जौं तुम्ह कीन्हि जानि जन दाया॥
Roman transliteration · उच्चारण
aba pada dekhi kusala raghurāyā| jauṃ tumha kīnhi jāni jana dāyā||
Doha/Soratha 46
तब लगि कुसल न जीव कहुँ सपनेहुँ मन बिश्राम, जब लगि भजत न राम कहुँ सोक धाम तजि काम।
Roman transliteration · उच्चारण
taba lagi kusala na jīva kahum̐ sapanehum̐ mana biśrāma, jaba lagi bhajata na rāma kahum̐ soka dhāma taji kāma|
Chaupai 407
तब लगि हृदयँ बसत खल नाना। लोभ मोह मच्छर मद माना॥
Roman transliteration · उच्चारण
taba lagi hṛdayam̐ basata khala nānā| lobha moha macchara mada mānā||
Chaupai 408
जब लगि उर न बसत रघुनाथा। धरें चाप सायक कटि भाथा॥
Roman transliteration · उच्चारण
jaba lagi ura na basata raghunāthā| dhareṃ cāpa sāyaka kaṭi bhāthā||
Chaupai 409
ममता तरुन तमी अँधिआरी। राग द्वेष उलूक सुखकारी॥
Roman transliteration · उच्चारण
mamatā taruna tamī am̐dhiārī| rāga dveṣa ulūka sukhakārī||
Chaupai 410
तब लगि बसति जीव मन माहीं। जब लगि प्रभु प्रताप रबि नाहीं॥
Roman transliteration · उच्चारण
taba lagi basati jīva mana māhīṃ| jaba lagi prabhu pratāpa rabi nāhīṃ||
Chaupai 411
अब मैं कुसल मिटे भय भारे। देखि राम पद कमल तुम्हारे॥
Roman transliteration · उच्चारण
aba maiṃ kusala miṭe bhaya bhāre| dekhi rāma pada kamala tumhāre||
Chaupai 412
तुम्ह कृपाल जा पर अनुकूला। ताहि न ब्याप त्रिबिध भव सूला॥
Roman transliteration · उच्चारण
tumha kṛpāla jā para anukūlā| tāhi na byāpa tribidha bhava sūlā||
Chaupai 413
मैं निसिचर अति अधम सुभाऊ। सुभ आचरनु कीन्ह नहिं काऊ॥
Roman transliteration · उच्चारण
maiṃ nisicara ati adhama subhāū| subha ācaranu kīnha nahiṃ kāū||
Chaupai 414
जासु रूप मुनि ध्यान न आवा। तेहिं प्रभु हरषि हृदयँ मोहि लावा॥
Roman transliteration · उच्चारण
jāsu rūpa muni dhyāna na āvā| tehiṃ prabhu haraṣi hṛdayam̐ mohi lāvā||
Doha/Soratha 47
अहोभाग्य मम अमित अति राम कृपा सुख पुंज, देखेउँ नयन बिरंचि सिव सेब्य जुगल पद कंज।
Roman transliteration · उच्चारण
ahobhāgya mama amita ati rāma kṛpā sukha puṃja, dekheum̐ nayana biraṃci siva sebya jugala pada kaṃja|
Chaupai 415
सुनहु सखा निज कहउँ सुभाऊ। जान भुसुंडि संभु गिरिजाऊ॥
Roman transliteration · उच्चारण
sunahu sakhā nija kahaum̐ subhāū| jāna bhusuṃḍi saṃbhu girijāū||
Chaupai 416
जौं नर होइ चराचर द्रोही। आवै सभय सरन तकि मोही॥
Roman transliteration · उच्चारण
jauṃ nara hoi carācara drohī| āvai sabhaya sarana taki mohī||
Chaupai 417
तजि मद मोह कपट छल नाना। करउँ सद्य तेहि साधु समाना॥
Roman transliteration · उच्चारण
taji mada moha kapaṭa chala nānā| karaum̐ sadya tehi sādhu samānā||
Chaupai 418
जननी जनक बंधु सुत दारा। तनु धनु भवन सुहृद परिवारा॥
Roman transliteration · उच्चारण
jananī janaka baṃdhu suta dārā| tanu dhanu bhavana suhṛda parivārā||
Chaupai 419
सब कै ममता ताग बटोरी। मम पद मनहि बाँध बरि डोरी॥
Roman transliteration · उच्चारण
saba kai mamatā tāga baṭorī| mama pada manahi bām̐dha bari ḍorī||
Chaupai 420
समदरसी इच्छा कछु नाहीं। हरष सोक भय नहिं मन माहीं॥
Roman transliteration · उच्चारण
samadarasī icchā kachu nāhīṃ| haraṣa soka bhaya nahiṃ mana māhīṃ||
Chaupai 421
अस सज्जन मम उर बस कैसें। लोभी हृदयँ बसइ धनु जैसें॥
Roman transliteration · उच्चारण
asa sajjana mama ura basa kaiseṃ| lobhī hṛdayam̐ basai dhanu jaiseṃ||
Chaupai 422
तुम्ह सारिखे संत प्रिय मोरें। धरउँ देह नहिं आन निहोरें॥
Roman transliteration · उच्चारण
tumha sārikhe saṃta priya moreṃ| dharaum̐ deha nahiṃ āna nihoreṃ||
Doha/Soratha 48
सगुन उपासक परहित निरत नीति दृढ़ नेम, ते नर प्रान समान मम जिन्ह कें द्विज पद प्रेम।
Roman transliteration · उच्चारण
saguna upāsaka parahita nirata nīti dṛḍha nema, te nara prāna samāna mama jinha keṃ dvija pada prema|
Chaupai 423
सुनु लंकेस सकल गुन तोरें। तातें तुम्ह अतिसय प्रिय मोरें॥
Roman transliteration · उच्चारण
sunu laṃkesa sakala guna toreṃ| tāteṃ tumha atisaya priya moreṃ||
Chaupai 424
राम बचन सुनि बानर जूथा। सकल कहहिं जय कृपा बरूथा॥
Roman transliteration · उच्चारण
rāma bacana suni bānara jūthā| sakala kahahiṃ jaya kṛpā barūthā||
Chaupai 425
सुनत बिभीषनु प्रभु कै बानी। नहिं अघात श्रवनामृत जानी॥
Roman transliteration · उच्चारण
sunata bibhīṣanu prabhu kai bānī| nahiṃ aghāta śravanāmṛta jānī||
Chaupai 426
पद अंबुज गहि बारहिं बारा। हृदयँ समात न प्रेमु अपारा॥
Roman transliteration · उच्चारण
pada aṃbuja gahi bārahiṃ bārā| hṛdayam̐ samāta na premu apārā||
Chaupai 427
सुनहु देव सचराचर स्वामी। प्रनतपाल उर अंतरजामी॥
Roman transliteration · उच्चारण
sunahu deva sacarācara svāmī| pranatapāla ura aṃtarajāmī||
Chaupai 428
उर कछु प्रथम बासना रही। प्रभु पद प्रीति सरित सो बही॥
Roman transliteration · उच्चारण
ura kachu prathama bāsanā rahī| prabhu pada prīti sarita so bahī||
Chaupai 429
अब कृपाल निज भगति पावनी। देहु सदा सिव मन भावनी॥
Roman transliteration · उच्चारण
aba kṛpāla nija bhagati pāvanī| dehu sadā siva mana bhāvanī||
Chaupai 430
एवमस्तु कहि प्रभु रनधीरा। मागा तुरत सिंधु कर नीरा॥
Roman transliteration · उच्चारण
evamastu kahi prabhu ranadhīrā| māgā turata siṃdhu kara nīrā||
Chaupai 431
दपि सखा तव इच्छा नहीं। मोर दरसु अमोघ जग माहीं॥
Roman transliteration · उच्चारण
dapi sakhā tava icchā nahīṃ| mora darasu amogha jaga māhīṃ||
Chaupai 432
अस कहि राम तिलक तेहि सारा। सुमन बृष्टि नभ भई अपारा॥
Roman transliteration · उच्चारण
asa kahi rāma tilaka tehi sārā| sumana bṛṣṭi nabha bhaī apārā||
Doha/Soratha 49 (ka)
रावन क्रोध अनल निज स्वास समीर प्रचंड, जरत बिभीषनु राखेउ दीन्हेउ राजु अखंड॥(क)।
Roman transliteration · उच्चारण
rāvana krodha anala nija svāsa samīra pracaṃḍa, jarata bibhīṣanu rākheu dīnheu rāju akhaṃḍa||(ka)|
Doha/Soratha 49 (kha)
जो संपति सिव रावनहि दीन्हि दिएँ दस माथ, सोइ संपदा बिभीषनहि सकुचि दीन्हि रघुनाथ॥(ख)॥
Roman transliteration · उच्चारण
jo saṃpati siva rāvanahi dīnhi diem̐ dasa mātha, soi saṃpadā bibhīṣanahi sakuci dīnhi raghunātha||(kha)||
Chaupai 433
अस प्रभु छाड़ि भजहिं जे आना। ते नर पसु बिनु पूँछ बिषाना॥
Roman transliteration · उच्चारण
asa prabhu chāḍaि bhajahiṃ je ānā| te nara pasu binu pūm̐cha biṣānā||
Chaupai 434
निज जन जानि ताहि अपनावा। प्रभु सुभाव कपि कुल मन भावा॥
Roman transliteration · उच्चारण
nija jana jāni tāhi apanāvā| prabhu subhāva kapi kula mana bhāvā||
Chaupai 435
पुनि सर्बग्य सर्ब उर बासी। सर्बरूप सब रहित उदासी॥
Roman transliteration · उच्चारण
puni sarbagya sarba ura bāsī| sarbarūpa saba rahita udāsī||
Chaupai 436
बोले बचन नीति प्रतिपालक। कारन मनुज दनुज कुल घालक॥
Roman transliteration · उच्चारण
bole bacana nīti pratipālaka| kārana manuja danuja kula ghālaka||
Chaupai 437
सुनु कपीस लंकापति बीरा। केहि बिधि तरिअ जलधि गंभीरा॥
Roman transliteration · उच्चारण
sunu kapīsa laṃkāpati bīrā| kehi bidhi taria jaladhi gaṃbhīrā||
Chaupai 438
संकुल मकर उरग झष जाती। अति अगाध दुस्तर सब भाँति॥
Roman transliteration · उच्चारण
saṃkula makara uraga jhaṣa jātī| ati agādha dustara saba bhām̐ti||
Chaupai 439
कह लंकेस सुनहु रघुनायक। कोटि सिंधु सोषक तव सायक॥
Roman transliteration · उच्चारण
kaha laṃkesa sunahu raghunāyaka| koṭi siṃdhu soṣaka tava sāyaka||
Chaupai 440
जद्यपि तदपि नीति असि गाई। बिनय करिअ सागर सन जाई॥
Roman transliteration · उच्चारण
jadyapi tadapi nīti asi gāī| binaya karia sāgara sana jāī||
Doha/Soratha 50
प्रभु तुम्हार कुलगुर जलधि कहिहि उपाय बिचारि, बिनु प्रयास सागर तरिहि सकल भालु कपि धारि।
Roman transliteration · उच्चारण
prabhu tumhāra kulagura jaladhi kahihi upāya bicāri, binu prayāsa sāgara tarihi sakala bhālu kapi dhāri|
Chaupai 441
सखा कही तुम्ह नीति उपाई। करिअ दैव जौं होइ सहाई॥
Roman transliteration · उच्चारण
sakhā kahī tumha nīti upāī| karia daiva jauṃ hoi sahāī||
Chaupai 442
मंत्र न यह लछिमन मन भावा। राम बचन सुनि अति दुख पावा॥
Roman transliteration · उच्चारण
maṃtra na yaha lachimana mana bhāvā| rāma bacana suni ati dukha pāvā||
Chaupai 443
नाथ दैव कर कवन भरोसा। सोषिअ सिंधु करिअ मन रोसा॥
Roman transliteration · उच्चारण
nātha daiva kara kavana bharosā| soṣia siṃdhu karia mana rosā||
Chaupai 444
कादर मन कहुँ एक अधारा। दैव दैव आलसी पुकारा॥
Roman transliteration · उच्चारण
kādara mana kahum̐ eka adhārā| daiva daiva ālasī pukārā||
Chaupai 445
सुनत बिहसि बोले रघुबीरा। ऐसेहिं करब धरहु मन धीरा॥
Roman transliteration · उच्चारण
sunata bihasi bole raghubīrā| aisehiṃ karaba dharahu mana dhīrā||
Chaupai 446
अस कहि प्रभु अनुजहि समुझाई। सिंधु समीप गए रघुराई॥
Roman transliteration · उच्चारण
asa kahi prabhu anujahi samujhāī| siṃdhu samīpa gae raghurāī||
Chaupai 447
प्रथम प्रनाम कीन्ह सिरु नाई। बैठे पुनि तट दर्भ डसाई॥
Roman transliteration · उच्चारण
prathama pranāma kīnha siru nāī| baiṭhe puni taṭa darbha ḍasāī||
Chaupai 448
जबहिं बिभीषन प्रभु पहिं आए। पाछें रावन दूत पठाए॥
Roman transliteration · उच्चारण
jabahiṃ bibhīṣana prabhu pahiṃ āe| pācheṃ rāvana dūta paṭhāe||
Doha/Soratha 51
सकल चरित तिन्ह देखे धरें कपट कपि देह, प्रभु गुन हृदयँ सराहहिं सरनागत पर नेह।
Roman transliteration · उच्चारण
sakala carita tinha dekhe dhareṃ kapaṭa kapi deha, prabhu guna hṛdayam̐ sarāhahiṃ saranāgata para neha|
Chaupai 449
प्रगट बखानहिं राम सुभाऊ। अति सप्रेम गा बिसरि दुराऊ॥
Roman transliteration · उच्चारण
pragaṭa bakhānahiṃ rāma subhāū| ati saprema gā bisari durāū||
Chaupai 450
रिपु के दूत कपिन्ह तब जाने। सकल बाँधि कपीस पहिं आने॥
Roman transliteration · उच्चारण
ripu ke dūta kapinha taba jāne| sakala bām̐dhi kapīsa pahiṃ āne||
Chaupai 451
कह सुग्रीव सुनहु सब बानर। अंग भंग करि पठवहु निसिचर॥
Roman transliteration · उच्चारण
kaha sugrīva sunahu saba bānara| aṃga bhaṃga kari paṭhavahu nisicara||
Chaupai 452
सुनि सुग्रीव बचन कपि धाए। बाँधि कटक चहु पास फिराए॥
Roman transliteration · उच्चारण
suni sugrīva bacana kapi dhāe| bām̐dhi kaṭaka cahu pāsa phirāe||
Chaupai 453
बहु प्रकार मारन कपि लागे। दीन पुकारत तदपि न त्यागे॥
Roman transliteration · उच्चारण
bahu prakāra mārana kapi lāge| dīna pukārata tadapi na tyāge||
Chaupai 454
जो हमार हर नासा काना। तेहि कोसलाधीस कै आना॥
Roman transliteration · उच्चारण
jo hamāra hara nāsā kānā| tehi kosalādhīsa kai ānā||
Chaupai 455
सुनि लछिमन सब निकट बोलाए। दया लागि हँसि तुरत छोड़ाए॥
Roman transliteration · उच्चारण
suni lachimana saba nikaṭa bolāe| dayā lāgi ham̐si turata choḍaाe||
Chaupai 456
रावन कर दीजहु यह पाती। लछिमन बचन बाचु कुलघाती॥
Roman transliteration · उच्चारण
rāvana kara dījahu yaha pātī| lachimana bacana bācu kulaghātī||
Doha/Soratha 52
कहेहु मुखागर मूढ़ सन मम संदेसु उदार, सीता देइ मिलहु न त आवा कालु तुम्हार।
Roman transliteration · उच्चारण
kahehu mukhāgara mūḍha sana mama saṃdesu udāra, sītā dei milahu na ta āvā kālu tumhāra|
Chaupai 457
तुरत नाइ लछिमन पद माथा। चले दूत बरनत गुन गाथा॥
Roman transliteration · उच्चारण
turata nāi lachimana pada māthā| cale dūta baranata guna gāthā||
Chaupai 458
कहत राम जसु लंकाँ आए। रावन चरन सीस तिन्ह नाए॥
Roman transliteration · उच्चारण
kahata rāma jasu laṃkām̐ āe| rāvana carana sīsa tinha nāe||
Chaupai 459
बिहसि दसानन पूँछी बाता। कहसि न सुक आपनि कुसलाता॥
Roman transliteration · उच्चारण
bihasi dasānana pūm̐chī bātā| kahasi na suka āpani kusalātā||
Chaupai 460
पुन कहु खबरि बिभीषन केरी। जाहि मृत्यु आई अति नेरी॥
Roman transliteration · उच्चारण
puna kahu khabari bibhīṣana kerī| jāhi mṛtyu āī ati nerī||
Chaupai 461
करत राज लंका सठ त्यागी। होइहि जव कर कीट अभागी॥
Roman transliteration · उच्चारण
karata rāja laṃkā saṭha tyāgī| hoihi java kara kīṭa abhāgī||
Chaupai 462
पुनि कहु भालु कीस कटकाई। कठिन काल प्रेरित चलि आई॥
Roman transliteration · उच्चारण
puni kahu bhālu kīsa kaṭakāī| kaṭhina kāla prerita cali āī||
Chaupai 463
जिन्ह के जीवन कर रखवारा। भयउ मृदुल चित सिंधु बिचारा॥
Roman transliteration · उच्चारण
jinha ke jīvana kara rakhavārā| bhayau mṛdula cita siṃdhu bicārā||
Chaupai 464
कहु तपसिन्ह कै बात बहोरी। जिन्ह के हृदयँ त्रास अति मोरी॥
Roman transliteration · उच्चारण
kahu tapasinha kai bāta bahorī| jinha ke hṛdayam̐ trāsa ati morī||
Doha/Soratha 53
की भइ भेंट कि फिरि गए श्रवन सुजसु सुनि मोर, कहसि न रिपु दल तेज बल बहुत चकित चित तोर।
Roman transliteration · उच्चारण
kī bhai bheṃṭa ki phiri gae śravana sujasu suni mora, kahasi na ripu dala teja bala bahuta cakita cita tora|
Chaupai 465
नाथ कृपा करि पूँछेहु जैसें। मानहु कहा क्रोध तजि तैसें॥
Roman transliteration · उच्चारण
nātha kṛpā kari pūm̐chehu jaiseṃ| mānahu kahā krodha taji taiseṃ||
Chaupai 466
मिला जाइ जब अनुज तुम्हारा। जातहिं राम तिलक तेहि सारा॥
Roman transliteration · उच्चारण
milā jāi jaba anuja tumhārā| jātahiṃ rāma tilaka tehi sārā||
Chaupai 467
रावन दूत हमहि सुनि काना। कपिन्ह बाँधि दीन्हें दुख नाना॥
Roman transliteration · उच्चारण
rāvana dūta hamahi suni kānā| kapinha bām̐dhi dīnheṃ dukha nānā||
Chaupai 468
श्रवन नासिका काटैं लागे। राम सपथ दीन्हें हम त्यागे॥
Roman transliteration · उच्चारण
śravana nāsikā kāṭaiṃ lāge| rāma sapatha dīnheṃ hama tyāge||
Chaupai 469
पूँछिहु नाथ राम कटकाई। बदन कोटि सत बरनि न जाई॥
Roman transliteration · उच्चारण
pūm̐chihu nātha rāma kaṭakāī| badana koṭi sata barani na jāī||
Chaupai 470
नाना बरन भालु कपि धारी। बिकटानन बिसाल भयकारी॥
Roman transliteration · उच्चारण
nānā barana bhālu kapi dhārī| bikaṭānana bisāla bhayakārī||
Chaupai 471
जेहिं पुर दहेउ हतेउ सुत तोरा। सकल कपिन्ह महँ तेहि बलु थोरा॥
Roman transliteration · उच्चारण
jehiṃ pura daheu hateu suta torā| sakala kapinha maham̐ tehi balu thorā||
Chaupai 472
अमित नाम भट कठिन कराला। अमित नाग बल बिपुल बिसाला॥
Roman transliteration · उच्चारण
amita nāma bhaṭa kaṭhina karālā| amita nāga bala bipula bisālā||
Doha/Soratha 54
द्विबिद मयंद नील नल अंगद गद बिकटासि, दधिमुख केहरि निसठ सठ जामवंत बलरासि।
Roman transliteration · उच्चारण
dvibida mayaṃda nīla nala aṃgada gada bikaṭāsi, dadhimukha kehari nisaṭha saṭha jāmavaṃta balarāsi|
Chaupai 473
ए कपि सब सुग्रीव समाना। इन्ह सम कोटिन्ह गनइ को नाना॥
Roman transliteration · उच्चारण
e kapi saba sugrīva samānā| inha sama koṭinha ganai ko nānā||
Chaupai 474
राम कृपाँ अतुलित बल तिन्हहीं। तृन समान त्रैलोकहि गनहीं॥
Roman transliteration · उच्चारण
rāma kṛpām̐ atulita bala tinhahīṃ| tṛna samāna trailokahi ganahīṃ||
Chaupai 475
अस मैं सुना श्रवन दसकंधर। पदुम अठारह जूथप बंदर॥
Roman transliteration · उच्चारण
asa maiṃ sunā śravana dasakaṃdhara| paduma aṭhāraha jūthapa baṃdara||
Chaupai 476
नाथ कटक महँ सो कपि नाहीं। जो न तुम्हहि जीतै रन माहीं॥
Roman transliteration · उच्चारण
nātha kaṭaka maham̐ so kapi nāhīṃ| jo na tumhahi jītai rana māhīṃ||
Chaupai 477
परम क्रोध मीजहिं सब हाथा। आयसु पै न देहिं रघुनाथा॥
Roman transliteration · उच्चारण
parama krodha mījahiṃ saba hāthā| āyasu pai na dehiṃ raghunāthā||
Chaupai 478
सोषहिं सिंधु सहित झष ब्याला। पूरहिं न त भरि कुधर बिसाला॥
Roman transliteration · उच्चारण
soṣahiṃ siṃdhu sahita jhaṣa byālā| pūrahiṃ na ta bhari kudhara bisālā||
Chaupai 479
मर्दि गर्द मिलवहिं दससीसा। ऐसेइ बचन कहहिं सब कीसा॥
Roman transliteration · उच्चारण
mardi garda milavahiṃ dasasīsā| aisei bacana kahahiṃ saba kīsā||
Chaupai 480
गर्जहिं तर्जहिं सहज असंका। मानहुँ ग्रसन चहत हहिं लंका॥
Roman transliteration · उच्चारण
garjahiṃ tarjahiṃ sahaja asaṃkā| mānahum̐ grasana cahata hahiṃ laṃkā||
Doha/Soratha 55
सहज सूर कपि भालु सब पुनि सिर पर प्रभु राम, रावन काल कोटि कहुँ जीति सकहिं संग्राम।
Roman transliteration · उच्चारण
sahaja sūra kapi bhālu saba puni sira para prabhu rāma, rāvana kāla koṭi kahum̐ jīti sakahiṃ saṃgrāma|
Chaupai 481
राम तेज बल बुधि बिपुलाई। सेष सहस सत सकहिं न गाई॥
Roman transliteration · उच्चारण
rāma teja bala budhi bipulāī| seṣa sahasa sata sakahiṃ na gāī||
Chaupai 482
सक सर एक सोषि सत सागर। तव भ्रातहि पूँछेउ नय नागर॥
Roman transliteration · उच्चारण
saka sara eka soṣi sata sāgara| tava bhrātahi pūm̐cheu naya nāgara||
Chaupai 483
तासु बचन सुनि सागर पाहीं। मागत पंथ कृपा मन माहीं॥
Roman transliteration · उच्चारण
tāsu bacana suni sāgara pāhīṃ| māgata paṃtha kṛpā mana māhīṃ||
Chaupai 484
सुनत बचन बिहसा दससीसा। जौं असि मति सहाय कृत कीसा॥
Roman transliteration · उच्चारण
sunata bacana bihasā dasasīsā| jauṃ asi mati sahāya kṛta kīsā||
Chaupai 485
सहज भीरु कर बचन दृढ़ाई। सागर सन ठानी मचलाई॥
Roman transliteration · उच्चारण
sahaja bhīru kara bacana dṛḍhaाī| sāgara sana ṭhānī macalāī||
Chaupai 486
मूढ़ मृषा का करसि बड़ाई। रिपु बल बुद्धि थाह मैं पाई॥
Roman transliteration · उच्चारण
mūḍha mṛṣā kā karasi baḍaाī| ripu bala buddhi thāha maiṃ pāī||
Chaupai 487
सचिव सभीत बिभीषन जाकें। बिजय बिभूति कहाँ जग ताकें॥
Roman transliteration · उच्चारण
saciva sabhīta bibhīṣana jākeṃ| bijaya bibhūti kahām̐ jaga tākeṃ||
Chaupai 488
सुनि खल बचन दूत रिस बाढ़ी। समय बिचारि पत्रिका काढ़ी॥
Roman transliteration · उच्चारण
suni khala bacana dūta risa bāḍhaी| samaya bicāri patrikā kāḍhaी||
Chaupai 489
रामानुज दीन्हीं यह पाती। नाथ बचाइ जुड़ावहु छाती॥
Roman transliteration · उच्चारण
rāmānuja dīnhīṃ yaha pātī| nātha bacāi juḍaाvahu chātī||
Chaupai 490
बिहसि बाम कर लीन्हीं रावन। सचिव बोलि सठ लाग बचावन॥
Roman transliteration · उच्चारण
bihasi bāma kara līnhīṃ rāvana| saciva boli saṭha lāga bacāvana||
Doha/Soratha 56 (ka)
बातन्ह मनहि रिझाइ सठ जनि घालसि कुल खीस, राम बिरोध न उबरसि सरन बिष्नु अज ईस॥(क)।
Roman transliteration · उच्चारण
bātanha manahi rijhāi saṭha jani ghālasi kula khīsa, rāma birodha na ubarasi sarana biṣnu aja īsa||(ka)|
Doha/Soratha 56 (kha)
की तजि मान अनुज इव प्रभु पद पंकज भृंग, होहि कि राम सरानल खल कुल सहित पतंग॥(ख)॥
Roman transliteration · उच्चारण
kī taji māna anuja iva prabhu pada paṃkaja bhṛṃga, hohi ki rāma sarānala khala kula sahita pataṃga||(kha)||
Chaupai 491
सुनत सभय मन मुख मुसुकाई। कहत दसानन सबहि सुनाई॥
Roman transliteration · उच्चारण
sunata sabhaya mana mukha musukāī| kahata dasānana sabahi sunāī||
Chaupai 492
भूमि परा कर गहत अकासा। लघु तापस कर बाग बिलासा॥
Roman transliteration · उच्चारण
bhūmi parā kara gahata akāsā| laghu tāpasa kara bāga bilāsā||
Chaupai 493
कह सुक नाथ सत्य सब बानी। समुझहु छाड़ि प्रकृति अभिमानी॥
Roman transliteration · उच्चारण
kaha suka nātha satya saba bānī| samujhahu chāḍaि prakṛti abhimānī||
Chaupai 494
सुनहु बचन मम परिहरि क्रोधा। नाथ राम सन तजहु बिरोधा॥
Roman transliteration · उच्चारण
sunahu bacana mama parihari krodhā| nātha rāma sana tajahu birodhā||
Chaupai 495
अति कोमल रघुबीर सुभाऊ। जद्यपि अखिल लोक कर राऊ॥
Roman transliteration · उच्चारण
ati komala raghubīra subhāū| jadyapi akhila loka kara rāū||
Chaupai 496
मिलत कृपा तुम्ह पर प्रभु करिही। उर अपराध न एकउ धरिही॥
Roman transliteration · उच्चारण
milata kṛpā tumha para prabhu karihī| ura aparādha na ekau dharihī||
Chaupai 497
जनकसुता रघुनाथहि दीजे। एतना कहा मोर प्रभु कीजे॥
Roman transliteration · उच्चारण
janakasutā raghunāthahi dīje| etanā kahā mora prabhu kīje||
Chaupai 498
जब तेहिं कहा देन बैदेही। चरन प्रहार कीन्ह सठ तेही॥
Roman transliteration · उच्चारण
jaba tehiṃ kahā dena baidehī| carana prahāra kīnha saṭha tehī||
Chaupai 499
नाइ चरन सिरु चला सो तहाँ। कृपासिंधु रघुनायक जहाँ॥
Roman transliteration · उच्चारण
nāi carana siru calā so tahām̐| kṛpāsiṃdhu raghunāyaka jahām̐||
Chaupai 500
करि प्रनामु निज कथा सुनाई। राम कृपाँ आपनि गति पाई॥
Roman transliteration · उच्चारण
kari pranāmu nija kathā sunāī| rāma kṛpām̐ āpani gati pāī||
Chaupai 501
रिषि अगस्ति कीं साप भवानी। राछस भयउ रहा मुनि ग्यानी॥
Roman transliteration · उच्चारण
riṣi agasti kīṃ sāpa bhavānī| rāchasa bhayau rahā muni gyānī||
Chaupai 502
बंदि राम पद बारहिं बारा। मुनि निज आश्रम कहुँ पगु धारा॥
Roman transliteration · उच्चारण
baṃdi rāma pada bārahiṃ bārā| muni nija āśrama kahum̐ pagu dhārā||
Doha/Soratha 57
बिनय न मानत जलधि जड़ गए तीनि दिन बीति, बोले राम सकोप तब भय बिनु होइ न प्रीति।
Roman transliteration · उच्चारण
binaya na mānata jaladhi jaḍa gae tīni dina bīti, bole rāma sakopa taba bhaya binu hoi na prīti|
Chaupai 503
लछिमन बान सरासन आनू। सोषौं बारिधि बिसिख कृसानु॥
Roman transliteration · उच्चारण
lachimana bāna sarāsana ānū| soṣauṃ bāridhi bisikha kṛsānu||
Chaupai 504
सठ सन बिनय कुटिल सन प्रीति। सहज कृपन सन सुंदर नीति॥
Roman transliteration · उच्चारण
saṭha sana binaya kuṭila sana prīti| sahaja kṛpana sana suṃdara nīti||
Chaupai 505
ममता रत सन ग्यान कहानी। अति लोभी सन बिरति बखानी॥
Roman transliteration · उच्चारण
mamatā rata sana gyāna kahānī| ati lobhī sana birati bakhānī||
Chaupai 506
क्रोधिहि सम कामिहि हरिकथा। ऊसर बीज बएँ फल जथा॥
Roman transliteration · उच्चारण
krodhihi sama kāmihi harikathā| ūsara bīja baem̐ phala jathā||
Chaupai 507
अस कहि रघुपति चाप चढ़ावा। यह मत लछिमन के मन भावा॥
Roman transliteration · उच्चारण
asa kahi raghupati cāpa caḍhaाvā| yaha mata lachimana ke mana bhāvā||
Chaupai 508
संधानेउ प्रभु बिसिख कराला। उठी उदधि उर अंतर ज्वाला॥
Roman transliteration · उच्चारण
saṃdhāneu prabhu bisikha karālā| uṭhī udadhi ura aṃtara jvālā||
Chaupai 509
मकर उरग झष गन अकुलाने। जरत जंतु जलनिधि जब जाने॥
Roman transliteration · उच्चारण
makara uraga jhaṣa gana akulāne| jarata jaṃtu jalanidhi jaba jāne||
Chaupai 510
कनक थार भरि मनि गन नाना। बिप्र रूप आयउ तजि माना॥
Roman transliteration · उच्चारण
kanaka thāra bhari mani gana nānā| bipra rūpa āyau taji mānā||
Doha/Soratha 58
काटेहिं पइ कदरी फरइ कोटि जतन कोउ सींच, बिनय न मान खगेस सुनु डाटेहिं पइ नव नीच।
Roman transliteration · उच्चारण
kāṭehiṃ pai kadarī pharai koṭi jatana kou sīṃca, binaya na māna khagesa sunu ḍāṭehiṃ pai nava nīca|
Chaupai 511
सभय सिंधु गहि पद प्रभु केरे। छमहु नाथ सब अवगुन मेरे॥
Roman transliteration · उच्चारण
sabhaya siṃdhu gahi pada prabhu kere| chamahu nātha saba avaguna mere||
Chaupai 512
गगन समीर अनल जल धरनी। इन्ह कइ नाथ सहज जड़ करनी॥
Roman transliteration · उच्चारण
gagana samīra anala jala dharanī| inha kai nātha sahaja jaḍa karanī||
Chaupai 513
तव प्रेरित मायाँ उपजाए। सृष्टि हेतु सब ग्रंथनि गाए॥
Roman transliteration · उच्चारण
tava prerita māyām̐ upajāe| sṛṣṭi hetu saba graṃthani gāe||
Chaupai 514
प्रभु आयसु जेहि कहँ जस अहई। सो तेहि भाँति रहें सुख लहई॥
Roman transliteration · उच्चारण
prabhu āyasu jehi kaham̐ jasa ahaī| so tehi bhām̐ti raheṃ sukha lahaī||
Chaupai 515
प्रभु भल कीन्ह मोहि सिख दीन्हीं। मरजादा पुनि तुम्हरी कीन्हीं॥
Roman transliteration · उच्चारण
prabhu bhala kīnha mohi sikha dīnhīṃ| marajādā puni tumharī kīnhīṃ||
Chaupai 516
ढोल गवाँर सूद्र पसु नारी। सकल ताड़ना के अधिकारी॥
Roman transliteration · उच्चारण
ḍhola gavām̐ra sūdra pasu nārī| sakala tāḍanā ke adhikārī||
Chaupai 517
प्रभु प्रताप मैं जाब सुखाई। उतरिहि कटकु न मोरि बड़ाई॥
Roman transliteration · उच्चारण
prabhu pratāpa maiṃ jāba sukhāī| utarihi kaṭaku na mori baḍaाī||
Chaupai 518
प्रभु अग्या अपेल श्रुति गाई। करौं सो बेगि जो तुम्हहि सोहाई॥
Roman transliteration · उच्चारण
prabhu agyā apela śruti gāī| karauṃ so begi jo tumhahi sohāī||
Doha/Soratha 59
सुनत बिनीत बचन अति कह कृपाल मुसुकाइ, जेहि बिधि उतरै कपि कटकु तात सो कहहु उपाइ।
Roman transliteration · उच्चारण
sunata binīta bacana ati kaha kṛpāla musukāi, jehi bidhi utarai kapi kaṭaku tāta so kahahu upāi|
Chaupai 519
नाथ नील नल कपि द्वौ भाई। लरिकाईं रिषि आसिष पाई॥
Roman transliteration · उच्चारण
nātha nīla nala kapi dvau bhāī| larikāīṃ riṣi āsiṣa pāī||
Chaupai 520
तिन्ह कें परस किएँ गिरि भारे। तरिहहिं जलधि प्रताप तुम्हारे॥
Roman transliteration · उच्चारण
tinha keṃ parasa kiem̐ giri bhāre| tarihahiṃ jaladhi pratāpa tumhāre||
Chaupai 521
मैं पुनि उर धरि प्रभु प्रभुताई। करिहउँ बल अनुमान सहाई॥
Roman transliteration · उच्चारण
maiṃ puni ura dhari prabhu prabhutāī| karihaum̐ bala anumāna sahāī||
Chaupai 522
एहि बिधि नाथ पयोधि बँधाइअ। जेहिं यह सुजसु लोक तिहुँ गाइअ॥
Roman transliteration · उच्चारण
ehi bidhi nātha payodhi bam̐dhāia| jehiṃ yaha sujasu loka tihum̐ gāia||
Chaupai 523
एहि सर मम उत्तर तट बासी। हतहु नाथ खल नर अघ रासी॥
Roman transliteration · उच्चारण
ehi sara mama uttara taṭa bāsī| hatahu nātha khala nara agha rāsī||
Chaupai 524
सुनि कृपाल सागर मन पीरा। तुरतहिं हरी राम रनधीरा॥
Roman transliteration · उच्चारण
suni kṛpāla sāgara mana pīrā| turatahiṃ harī rāma ranadhīrā||
Chaupai 525
देखि राम बल पौरुष भारी। हरषि पयोनिधि भयउ सुखारी॥
Roman transliteration · उच्चारण
dekhi rāma bala pauruṣa bhārī| haraṣi payonidhi bhayau sukhārī||
Chaupai 526
सकल चरित कहि प्रभुहि सुनावा। चरन बंदि पाथोधि सिधावा॥
Roman transliteration · उच्चारण
sakala carita kahi prabhuhi sunāvā| carana baṃdi pāthodhi sidhāvā||
Chhand 6
निज भवन गवनेउ सिंधु श्रीरघुपतिहि यह मत भायऊ, यह चरित कलि मल हर जथामति दास तुलसी गायऊ। सुख भवन संसय समन दवन बिषाद रघुपति गुन गना, तजि सकल आस भरोस गावहि सुनहि संतत सठ मना॥
Roman transliteration · उच्चारण
nija bhavana gavaneu siṃdhu śrīraghupatihi yaha mata bhāyaū, yaha carita kali mala hara jathāmati dāsa tulasī gāyaū| sukha bhavana saṃsaya samana davana biṣāda raghupati guna ganā, taji sakala āsa bharosa gāvahi sunahi saṃtata saṭha manā||
Doha/Soratha 60
सकल सुमंगल दायक रघुनायक गुन गान, सादर सुनहिं ते तरहिं भव सिंधु बिना जलजान।
Roman transliteration · उच्चारण
sakala sumaṃgala dāyaka raghunāyaka guna gāna, sādara sunahiṃ te tarahiṃ bhava siṃdhu binā jalajāna|
Traditional concluding colophon · independent source
इति श्रीमद्रामचरितमानसे सकलकलिकलुषविध्वंसने पञ्चमः सोपानः समाप्तः ।
Roman transliteration · उच्चारण
iti śrīmadrāmacaritamānase sakalakalikaluṣavidhvaṃsane pañcamaḥ sopānaḥ samāptaḥ |
Edition & acknowledgements · संस्करण और आभार
Edition and reuse
Traditional underlying text attributed to its stated author; the original centuries-old composition is public domain. Only scripture text is transcribed; no modern site prose, translations, artwork, or recordings are included.
No third-party translation included. Meaning fields are deliberately empty pending original editorial work and review.